ນາຍົກລັດຖະມົນຕີຫງວຽນຊວນຟຸກເຮັດວຽກກັບການນຳຫຼັກແຫຼ່ງສະຫະພັນໃຫຍ່ແຮງງານຫວຽດນາມ
ທ່ານນາຍົກລັດຖະມົນຕີ ຫງວຽນຊວນຟຸກ ເເຮັດວຽກກັບການນຳ
ຫຼັກແຫຼ່ງສະຫະພັນໃຫຍ່ແຮງງານ ຫວຽດນາມ
(vovworld) - ຕອນເຊົ້າວັນທີ 09/07 ຢູ່ຮ່າໂນ້ຍ ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ເປັນປະທານການເຮັດວຽກກັບການນຳຫຼັກແຫຼ່ງສະຫະພັນໃຫຍ່ແຮງງານ ຫວຽດນາມ ກ່ຽວກັບໝາກຜົນແຫ່ງການປະຕິບັດກົດລະບຽບກ່ຽວກັບການພົວພັນວຽກງານລະຫວ່າງລັດຖະ ບານ ແລະ ສະຫະພັນໃຫຍ່ແຮງງານ ຫວຽດນາມ ປີ 2015, ຈຸດສຸມສົມທົບວຽກງານໃນປີ 2016. ກ່າວຄຳເຫັນນະທີ່ນີ້, ທ່ານນາຍົກລັດຖະມົນຕີ ຕີລາຄາວ່າ ກົນໄກຮ່ວມມືລະຫວ່າງ ລັດຖະບານ ແລະ ສະຫະພັນໃຫຍ່ແຮງງານ ຫວຽດນາມ ໃນໄລຍະຜ່ານມາ ບັນລຸໄດ້ປະສິດທິຜົນຢ່າງຕັ້ງໜ້າ, ປະກອບສ່ວນຊຸກຍູ້ຊົນຊັ້ນກຳມະກອນພັດທະນາ, ທ່ານນາຍົກລັດຖະມົນຕີກໍ່ຖືວ່າ: ຄວນມີມາດຕະການຍົກສູງລະດັບວິຊາຊີບໃຫ້ກຳມະກອນ, ຍົກສູງສະມັດຕະພາບແຮງງານ, ແກ້ໄຂບັນຫາເງິນເດືອນ; ພ້ອມທັງ ເອົາໃຈໃສ່ຫລາຍກ່ວາອີກ ເຖິງຊີວິດທາງດ້ານວັດຖຸ ແລະ ຈິດໃຈໃຫ້ກຳມະກອນແຮງງານ. ທ່ານນາຍົກລັດຖະມົນຕີ ສະເໜີວ່າ: ສືບຕໍ່ຜັນຂະຫຍາຍບັນດາເນື້ອໃນສົມທົບກັນລະຫວ່າງລັດຖະບານ ແລະ ສະຫະພັນໃຫຍ່ແຮງງານ ຫວຽດນາມ. ທ່ານນາຍົກລັດຖະມົນຕີ ຫວຽນຊວນຟຸກ ຊີ້ແຈ້ງວ່າ:
“ອົງການສຳນັກງານບໍລິຫານ ຕ້ອງມີປະຊາທິປະໄຕ, ເປີດເຜີຍກະຈ່າງແຈ້ງກຳມະບານ. ຕ້ອງປ່ຽນໃໝ່ການເຄື່ອນໄຫວ, ປົກປັກຮັກສາສິດຜົນປະໂຫຍດອັນຊອບທຳໃຫ້ກຳມະກອນຢ່າງແທ້ຈິງ. ພວກເຮົາ ຕ້ອງຮັບຮູ້ບັນດາສິ່ງທີ່ຍັງຄົງຄ້າງ, ບໍລິຫານມະຫາພາກ, ນັບທັງການຄ້ມຄອງສັງຄົມ, ຄຸ້ມຄອງເສດຖະກິດຂອງລັດຖະບານ, ພິເສດແມ່ນການເຄື່ອນໄຫວກຳມະບານ ເພື່ອໃຫ້ມີການຫັນປ່ຽນໃໝ່.”