ທ່ານນາຍົກລັດຖະມົນຕີ ຫງວຽນເຕີນຢູງ ເຂົ້າຮ່ວມກອງປະຊຸມໃນຕອນເຊົ້າວັນທີ 5/1
(ພາບ: nguyentandung.org)
|
(vovworld) – ຕອນເຊົ້າວັນທີ 5/1, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫງວຽນເຕີນຢູ້ງ ໄດ້ເຂົ້າຮ່ວມ ແລະ ກ່າວຄຳເຫັນຊີ້ນຳກອງປະຊຸມສະຫລຸບວຽກງານປີ 2015, ຜັນຂະຫຍາຍໜ້າທີ່ປີ 2016 ແລະ ແຜນການ 5 ປີ 2016 – 2020 ຂອງຂະແໜງກະສິກຳ ແລະ ພັດທະນາຊົນນະບົດ.
ທ່ານນາຍົກລັດຖະມົນຕີ ຫງວຽນເຕີນຢູ້ງ ຮຽກຮ້ອງໃຫ້ຂະແໜງກະສິກຳ ແລະ ພັດທະນາຊົນນະບົດເອົາໃຈໃສ່ເປັນພິເສດເຖິງລະບອບ, ກົນໄກ, ນະໂຍບາຍເພື່ອຍົກສູງກຳລັງຄວາມແກ່ງແຍ້ງ, ຜົນສັກສິດ, ປະສິດທິຜົນໃນການຄຸ້ມຄອງຂອງລັດ, ສ້າງທຸກເງື່ອນໄຂສະດວກເພື່ອໃຫ້ປະຊາຊົນ, ວິສາຫະກິດລົງທຶນເຂົ້າຂະແໜງກະສິກຳ, ຊົນນະບົດຢ່າງໝັ້ນຄົງ, ປະກອບສ່ວນກໍ່ສ້າງຊົນນະບົດໃໝ່. ນາຍົກລັດຖະມົນຕີ ຫງວຽນເຕີນຢູ້ງ, ເນັ້ນໜັກເຖິງໜ້າທີ່ຍູ້ແຮງການປະຕິບັດແຜນການສ້າງໂຄງປະກອບຂະແໜງກະສິກຳຕິດພັນກັບການຍົກສູງປະສິດທິພາບ, ຄຸນນະພາບ, ປະສິດທິຜົນກຳລັງແກ່ງແຍ້ງຂອງແຕ່ລະຂົງເຂດຢ່າງລະອຽດ. ທ່ານນາຍົກລັດຖະມົນຕີ ຫງວຽນເຕີນຢູ້ງ, ຊີ້ແຈ້ງວ່າ:
“ກ້າວເຂົ້າສູ່ໄລຍະໃໝ່ເປັນພື້ນຖານເສດຖະກິດການຕະຫຼາດ, ແມ່ນຕ້ອງເຊື່ອມໂຍງ ແລະ ແກ່ງແຍ້ງ ດັ່ງນັ້ນພວກເຮົາຕ້ອງປ່ຽນໃໝ່. ນີ້ແມ່ນວຽກງານອັນໃຫຍ່ຫຼວງ. ຂ້າພະເຈົ້າຖືວ່ານີ້ແມ່ນຈຸດສຸມຂອງຂະແໜງກະສິກຳ. ການນຳພັກ ຕ້ອງສຸມໃສ່ເຮັດໃຫ້ຂົງເຂດກະສິກຳ, ປ່າໄມ້ມີການຫັນປ່ຽນຢ່າງຈະແຈ້ງໃນປີ 2016 ນີ້ ແລະ ໃນ 5 ປີຈະມາເຖິງ.”