ຝົນຕົກ, ນ້ຳແກ່ງໃນໄລຍະຜ່ານມາຢູ່ແຂວງກວາງນິງ
(vovworld) - ຕອນບ່າຍວັນທີ 5/8/2015, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫງວຽນເຕີ໋ນຢຸງ ໄດ້ຮັບຟັງ ການນຳຫຼັກແຫຼ່ງແຂວງ ກວາງນິງ ແລະ ກຸ່ມບໍລິສັດໃຫຍ່ຖ່ານ - ຊັບພະຍາກອນໂລຫະ ຫວຽດນາມ (TKV) ລາຍງານກ່ຽວກັບບັນດາມາດຕະການຮັບມື, ສະພາບຄວາມເສຍຫາຍ ແລະ ຄວາມມານະພະຍາຍາມແກ້ໄຂຜົນຮ້າຍຢ້ອນຫລັງຈາກຝົນຕົກ, ນ້ຳແກ່ງໃນໄລຍະຜ່ານມາຢູ່ແຂວງກວາງນິງ. ທ່ານນາຍົກລັດຖະມົນຕີ ຫງວຽນເຕີ໋ນຢຸງ ຝາກຄຳຢື້ຢາມຖາມຂ່າວປະຊາຊົນເຂດປະສົບຄວາມເສຍຫາຍ, ແບ່ງປັນຄວາມໂສກເສົ້າເສຍດາຍເຖິງບັນດາຄອບຄົວຜູ້ຖືກເສຍຊີວິດ. ຕີລາຄາສູງປະຊາຊົນ, ອຳນາດການປົກຄອງ, ແນວໂຮມປະເທດຊາດ, ທຸກຂັ້ນ, ທຸກຂະແໜງການ ໄດ້ສາມັກຄີ, ຊ່ວຍເຫຼືອເຊິ່ງກັນ ແລະ ກັນ, ຮັບມື, ສະກັດກັ້ນຄວາມເສຍຫາຍຈາກຝົນຕົກ, ນ້ຳແກ່ງ. ທ່ານນາຍົກລັດຖະມົນຕີ ຫງວຽນເຕີ່ນຢຸງ ຮຽກຮ້ອງການນຳແຂວງ ກວາງນິງ ແລະ ກຸ່ມບໍລິສັດໃຫຍ່ຖ່ານ - ຊັບພະຍາກອນໂລຫະ ຫວຽດນາມ ມີບັນດາມາດຕະການຮັບມືຢ່າງເໝາະສົມ, ທັງໃນສະເພາະໜ້າ, ທັງໃນໄລຍະຍາວ, ເພື່ອຮັບປະກັນຊີວິດອິນຊີ ການຜະລິດ ແລະ ການດຳລົງຊີວິດຂອງປະຊາຊົນ. ກ່ອນອື່ນໝົດ ສຸມໃສ່ຮັບປະກັນຊີວິດການເປັນຢູ່ຂອງປະຊາຊົນເປັນປົກກະຕິ; ໜູນຊ່ວຍບັນດາຄອບຄົວປະສົບເຄາະຮ້າຍຜ່ານຜາຄວາມຫຍຸ້ງຍາກ; ວາງແບບວິທີຟື້ນຟູພື້ນຖານໂຄງລ່າງ, ພື້ນຖານຜະລິດ ເພື່ອເຮັດໃຫ້ການເຄື່ອນໄຫວເປັນປົກກະຕິໂດຍໄວ.
ທ່ານນາຍົກລັດຖະມົນຕີ ຫງວຽນເຕີ໋ນຢຸງ ໃຫ້ຮູ້ວ່າ: ສູນກາງຈະພິຈາລະນາການໜູນຊ່ວຍໃນລະດັບສູງສຸດ, ພ້ອມກັບບັນດາຄວາມມານະພະຍາຍາມຂອງທ້ອງຖິ່ນ ແລະ ກຸ່ມບໍລິສັດໃຫຍ່ຖ່ານ - ຊັບພະຍາກອນໂລຫະ ຫວຽດນາມ ເພື່ອຜ່ານຜາຄວາມຫຍຸ້ງຍາກໂດຍໄວ.