ທ່ານນາຍົກລັດຖະມົນຕີ ຫວຽດນາມ ຫງວຽນເຕີນ ແລະ ທ່ານ ຮອງເລ
ຂາທິການໃຫຍ່ ສປຊ Hervé Ladsous
|
(vovworld) – ຕອນບ່າຍວັນທີ 10/6, ທີ່ສຳນັກງານລັດຖະບານ, ທ່ານນາຍົກລັດຖະມົນຕີ ຫວຽດນາມ ຫງວຽນເຕີນຢູ້ງ ໄດ້ໃຫ້ການຕ້ອນຮັບທ່ານ Hervé Ladsous, ຮອງເລຂາທິການໃຫຍ່ ສປຊ ຮັບຜິດຊອບການເຄື່ອນໄຫວຮັກສາສັນຕິພາບພວມມີການຢ້ຽມຢາມ ແລະ ເຮັດວຽກຢູ່ ຫວຽດນາມ. ທີ່ການຕ້ອນຮັບ, ທ່ານນາຍົກລັດຖະມົນຕີ ຫງວຽນເຕີນຢູ້ງ ໃຫ້ຮູ້ວ່າ: ໂດຍແມ່ນສະມາຊິກຂອງ ສປຊ, ຫວຽດນາມ ຮັບຮູ້ຄວາມຮັບຜິດຊອບ ແລະ ປະຕິບັດຄວາມຮັບຜິດຊອບເຂົ້າຮ່ວມກຳລັງຮັກສາສັນຕິພາບຂອງ ສປຊ ຢ່າງເຂັ້ມງວດ. ທ່ານນາຍົກລັດຖະມົນຕີ ປາດຖະຫນາວ່າ: ສປຊ ສືບຕໍ່ສະໜັບສະໜູນ ແລະ ໜູນຊ່ວຍ ຫວຽດນາມ ເຂົ້າຮ່ວມເຂົ້າໃນການເຄື່ອນໄຫວຮັກສາສັນຕິພາບຂອງ ສປຊ ຢ່າງມີປະສິດທິຜົນກ່ວາອີກ.
ແລະ ກໍ່ໃນຕອນບ່າຍວັນທີ 10/6, ທ່ານນາຍົກລັດຖະມົນຕີ ຫງວຽນເຕີນຢູ້ງໄດ້ໃຫ້ການຕ້ອນຮັບທ່ານ Tayed Loud, ລັດຖະມົນຕີວ່າການກະຊວງຍຸຕິທຳ ອານເຊຣີ ທີ່ພວມຢູ່ຢ້ຽມຢາມ ແລະ ເຮັດວຽກກັບກະຊວງຍຸຕິທຳ ຫວຽດນາມ. ນະທີ່ນີ້, ທ່ານນາຍົກລັດຖະມົນຕີ ຫງວຽນເຕີນຢູ້ງ ຢັ້ງຢືນວ່າ: ຜົນສຳເລັດໃນການຢ້ຽມຢາມ ອານເຊຣີ ມານີ້ຂອງຄະນະຜູ້ແທນຂັ້ນສູງ ຫວຽດນາມ ຫວ່າງແລ້ວນີ້ ໄດ້ປະກອບສ່ວນນຳການພົວພັນມິດຕະພາບທີ່ເປັນມູນເຊື້ອ, ການຮ່ວມມືຫຼາຍດ້ານລະຫວ່າງ 2 ປະເທດຂຶ້ນສູ່ລະດັບພັດທະນາໃໝ່. ຫວຽດນາມ ຈະມານະພະຍາຍາມເຮັດຈົດສຸດຄວາມສາມາດຂອງຕົນພ້ອມກັບ ອານເຊຣີ ຜັນຂະຫຍາຍບັນດາຂໍ້ຕົກລົງທີ່ບັນລຸໄດ້, ພິເສດແມ່ນໃນບັນດາຂົງເຂດ: ເສດຖະກິດ, ການຄ້າ, ການລົງທຶນ, ການຮ່ວມມືດ້ານກະສິກຳ, ກໍ່ສ້າງເຮືອນຢູ່, ວັດທະນະທຳ ແລະ ພິເສດແມ່ນນ້ຳມັນອາຍແກສ.
ກ່ອນໜ້ານັ້ນ, ທີ່ສຳນັກງານກະຊວງຍຸຕິທຳ ຫວຽດນາມ, ໄດ້ດຳເນີນການເຈລະຈາລະຫວ່າງທ່ານລັດຖະມົນຕີວ່າການກະຊວງຍຸຕິທຳ ຫວຽດນາມ ຮ່າຮູ່ງເກື່ອງ ແລະ ທ່ານລັດຖະມົນຕີວ່າການກະຊວງຍຸຕິທຳ ອານເຊຣີ Tayed Loud.
ພາຍຫຼັງການເຈລະຈາ, 2 ຝ່າຍໄດ້ດຳເນີນພິທີເຊັນບົດບັນທຶກຊ່ວຍຈຳ ລະຫວ່າງກະຊວງຍຸຕິທຳ ສສ. ຫວຽດນາມ ແລະ ກະຊວງຍຸຕິທຳ ສ. ອານເຊຣີ ປະຊາທິປະໄຕ ແລະ ປະຊາຊົນໄລຍະ 2016 – 2017.