ນາຍົກລັດຖະມົນຕີຫງວຽນເຕີນຢູ້ງຕ້ອນຮັບເອກອັກຄະລັດຖະທູດນອກແວ
ທ່ານນາຍົກລັດຖະມົນຕີ ຫງວຽນເຕີນຢູ້ງ ແລະ ທ່ານນາງ ເອກອັກຄະລັດຖະທູດ ນອກແວ Siren Gjerme Eriksen
(ພາບ: VGP/Quang Hiếu)
(vovworld) – ຕອນບ່າຍວັນທີ 4/11, ທີ່ສຳນັກງານລັດຖະບານ, ທ່ານນາຍົກລັດຖະມົນຕີ ຫງວຽນເຕີນຢູ້ງ ຕ້ອນຮັບເອກອັກຄະລັດຖະທູດ ນອກແວ Siren Gjerme Eriksen ເຂົ້າຢ້ຽມຂ່ຳນັບ, ເນື່ອງໃນໂອກາດມາຮັບໜ້າທີ່ການທູດຢູ່ ຫວຽດນາມ. ທີ່ການຕ້ອນຮັບ, ທ່ານນາຍົກລັດຖະມົນຕີ ຫງວຽນເຕີນຢູ້ງ ປາດຖະໜາວ່າ: 2 ຝ່າຍເພີ່ມທະວີການຮ່ວມມືທາງດ້ານການເມືອງ, ການທູດ, ສົມທົບຫຼັກໝັ້ນ, ສະໜັບສະໜູນເຊິ່ງກັນ ແລະ ກັນໃນບັນດາເວທີປາໄສສາກົນ, ພິເສດແມ່ນຢູ່ ສປຊ, ຖືການຮ່ວມມືເສດຖະກິດ, ການຄ້າ, ການລົງທຶນ ແມ່ນບັນດາຈຸດສຸມໃນການພົວພັນຮ່ວມມືລະຫວ່າງ 2 ປະເທດ, ປາດຖະໜາ ນອກແວ ສືບຕໍ່ສະຫງວນທຶນ ODA ໃຫ້ແກ່ ຫວຽດນາມ ຊຶ່ງສຸມໃສ່ເຂົ້າໃນຂົງເຂດຮັບມືກັບການປ່ຽນແປງຂອງດິນຟ້າອາກາດ, ປ້ອງກັນ, ຕ້ານໄພພິບັດທຳມະຊາດ… ທ່ານນາຍົກລັດຖະມົນຕີ ຫງວຽນເຕີນຢູ້ງ ສະເໜີໃຫ້ 2 ຝ່າຍສືບຕໍ່ເອົາໃຈໃສ່ຊຸກຍູ້ບັນດາການເຄື່ອນໄຫວຮ່ວມມືທາງດ້ານວິທະຍາສາດ - ເຕັກໂນໂລຢີ, ສາທາລະນະສຸກ, ການສຶກສາ, ວັດທະນະທຳ, ການທ່ອງທ່ຽວ...
ສ່ວນທ່ານນາງເອກອັກຄະລັດຖະທູດ ນອກແວ Siren Gjerme Eriksen, ຢືນຢັນຈະມານະພະຍາຍາມຈົນສຸດຄວາມສາມາດ, ສົມທົບກັນຢ່າງແໜ້ນແຟ້ນກັບບັນດາກະຊວງ, ຂະແໜງການຂອງ ຫວຽດນາມ ໃນການຜັນຂະຫຍາຍບັນດາຂໍ້ຕົກລົງຮ່ວມມືເຊິ່ງ 2 ຝ່າຍໄດ້ເປັນເອກະສັນກັນ ກໍ່ຄືສົ່ງເສີມບັນດາໂຄງການຮ່ວມມືໃໝ່ລະຫວ່າງ 2 ປະເທດໃນຫຼາຍຂົງເຂດ, ພິເສດແມ່ນການຮ່ວມມືເສດຖະກິດ, ການລົງທຶນ, ການທ່ອງທ່ຽວ… ທ່ານນາງ ເອກອັກຄະລັດຖະທູດ Siren Gjerme Eriksen, ໃຫ້ຮູ້ວ່າ: ນອກແວຍາມໃດກໍ່ຖືເປັນສຳຄັນການຊຸກຍູ້ການພົວພັນຮ່ວມມືກັບ ຫວຽດນາມ ໃນຂົງເຂດຮັບມືກັບການປ່ຽນແປງຂອງດິນຟ້າອາກາດ ແລະ ນ້ຳທະເລຂຶ້ນສູງ, ພ້ອມທັງຫວັງວ່າ ຫວຽດນາມ ສະໜັບສະໜູນ ນອກແວ ໃນການຊຸກຍູ້ການພົວພັນຮ່ວມມືກັບ ບັນດາປະເທດ ອາຊຽນ.