(vovworld) - ຕອນຄ່ຳວັນທີ 13/12, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ມີການພົບປະກັບບັນດາວິສາຫະກິດທີ່ເຂົ້າຮ່ວມເວທີປາໄສວິສາຫະກິດຫວຽດນາມ ມຸ່ງໄປເຖິງປະຊາຄົມເສດຖະກິດອາຊຽນ. ຢູ່ທີ່ນີ້, ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ຕີລາຄາສູງບັນດາການປະກອບສ່ວນສຳຄັນຂອງປະຊາຄົມວິສາຫະກິດຫວຽດນາມ ເຂົ້າໃນບັນດາຜົນງານພັດທະນາເສດຖະກິດສັງຄົມ ແລະ ກ້າວໄປເຖິງການເຊື່ອມໂຍງເຂົ້າກັບສາກົນ ເຊິ່ງຈຸດສຸມແມ່ນການເຊື່ອມໂຍງເຂົ້າກັບເສດຖະກິດສາກົນຂອງປະເທດ. ທ່ານນາຍົກລັດຖະມົນຕີ ຫງວຽນເຕີນຢຸງ ຢືນຢັນວ່າ: ຫວຽດນາມ ໄດ້ປະຕິບັດສັນຍາການຄ້າເສລີ 10 ສະບັບ ແລະ ກະກຽມລົງນາມໃນສັນຍາຄູ່ຮ່ວມມືຂ້າມປາຊີຟິກ (TPP) ແລະ ສັນຍາການຄ້າເສລີຫວຽດນາມ ກັບສະຫະພາບເອີລົບ ຢ່າງເປັນທາງການ. ບັນດາສັນຍາດັ່ງກ່າວບໍ່ພຽງແຕ່ດຶງດູດການລົງທຶນຢ່າງແຮງຈາກຕ່າງປະເທດເທົ່ານັ້ນ, ຫາກຍັງຍູ້ແຮງການສົ່ງອອກ, ປະກອບສ່ວນຊຸກຍູ້ການເຕີບໂຕດ້ານເສດຖະກິດ ແລະ ຊ່ວຍເຫຼືອວິສາຫະກິດຫວຽດນາມ ອີກດ້ວຍ. ທ່ານນາຍົກລັດຖະມົນຕີ ຫງວຽນເຕີນຢຸງ ຊີ້ແຈ້ງວ່າ.
“ພວກເຮົາຕ້ອງເຊື່ອມໂຍງເພື່ອພັດທະນາ, ເພື່ອຫັນເປັນປະເທດອຸດສາຫະກຳ, ທັນສະໄໝ, ເພື່ອພັດທະນາຢ່າງໄວກວ່າ ແລະ ໝັ້ນຄົງກວ່າ, ເພື່ອສ້າງປະເທດຫວຽດນາມ ໃຫ້ຮັ່ງມີ, ເຂັ້ມແຂງ, ປະຊາທິປະໄຕ, ຍຸຕິທຳ, ສີວິໄລ. ພວກເຮົາຕ້ອງເປີດປະຕູເພື່ອເຊື່ອມໂຍງ, ເມື່ອເຊື່ອມໂຍງແລ້ວແມ່ນຕ້ອງແກ່ງແຍ່ງ. ພື້ນຖານເສດຖະກິດແກ່ງແຍ່ງວິສາຫະກິດຈະເປັນກຳລັງຫຼັກແຫຼ່ງໃນການແກ່ງແຍ່ງ. ລັດຖະບານຈະສ້າງທຸກເງື່ອນໄຂສະດວກ, ກ່ອນອື່ນໝົດແມ່ນຕະຫຼາດ, ທີ່ 2 ແມ່ນປັບປຸງລະບອບ, ກົດລະບຽບ, ປະຕິຮູບລະບຽບການໃຫ້ສົມບູບແບບ ເພື່ອໃຫ້ວິສາຫະກິດຫຼຸດຜ່ອນລາຍນຈ່າຍ, ເວລາເພື່ອຫຼຸດລາຄາສິນຄ້າ ແລະ ເພີ່ມກຳລັງແກ່ງແຍ້ງ.”
ແລະກໍໃນຕອນບ່າຍວັນດຽວກັນ, ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ມີການພົບປະກັບບັນດາວິສາຫະກິດຂະແໜງອຸດສາຫະກຳການຄ້າ ເພື່ອແລກປ່ຽນກ່ຽວກັບບາງການທິດກຳນົດ ແລະ ມາດຕະການແກ້ໄຂຍູ້ແຮງການເຊື່ອມໂຍງເຂົ້າກັບເສດຖະກິດສາກົນ.