ນາຍົກລັດຖະມົນຕີຫງວຽນເຕີນຢູ້ງພົບປະກັບປະທານສະພາແຫ່ງຊາດ
ປອກຕຸຍການ
(ພາບ: VGP/Nhật Bắc)
|
(vovworld) – ໂດຍສືບຕໍ່ການເຄື່ອນໄຫວໃນຂອບເຂດການຢ້ຽມຢາມ ສ. ປອກຕຸຍການ ຢ່າງເປັນທາງການ, ວັນທີ 3/6, ທ່ານນາຍົກລັດຖະມົນຕີ ຫງວຽນເຕີນຢູ້ງ ໄດ້ພົບປະກັບທ່ານນາງ Maria da Assunsao, ປະທານສະພາແຫ່ງຊາດ ປອກຕຸຍການ. ນະທີ່ນີ້, ທ່ານນາຍົກລັດຖະມົນຕີ ຫງວຽນເຕີນຢູ້ງ ເນັ້ນໜັກວ່າ: ຫວຽດນາມ ແລະ ປອກຕຸຍການ ຕ້ອງການ ແລະ ອາດຈະໜູນຊ່ວຍກັນຢ່າງມີປະສິດທິຜົນໃນພາລະກິດພັດທະນາເສດຖະກິດ, ສັງຄົມ. ສະພາແຫ່ງຊາດ 2 ປະເທດເພີ່ມທະວີການຮ່ວມມື, ແລກປ່ຽນຄະນະຜູ້ແທນ.
ທ່ານນາງປະທານສະພາແຫ່ງຊາດ Maria da Assunsao ຢັ້ງຢືນວ່າ: ສະພາແຫ່ງຊາດ ປອກຕຸຍການສະໜັບສະໜູນ ຫວຽດນາມ ເພີ່ມທະວີການພົວພັນກັບ ອີຢູ, ຊຸກຍູ້ລັດຖະສະພາເອີລົບ ສຳເລັດການອະນຸມັດຜ່ານສັນຍາແມ່ກ່ຽວກັບຄູ່ຮ່ວມມື ແລະ ການຮ່ວມມືຍຸດທະສາດ ຫວຽດນາມ - ອີຢູ, ພ້ອມທັງສະໜັບສະໜູນສິ້ນສຸດການເຈລະຈາເພື່ອເຊັນສັນຍາການຄ້າ ເສລີ ຫວຽດນາມ - ອີຢູ ໂດຍໄວ ແລະ ເລື່ອງ ອີຢູ ຮັບຮອງກົດລະບຽບເສດຖະກິດການຕະຫຼາດໃຫ້ແກ່ ຫວຽດນາມ ໃນເວລາສິ້ນສຸດການເຈລະຈາ.
ແລະກໍ່ໃນວັນດຽວກັນ, ທ່ານນາຍົກລັດຖະມົນຕີ ຫງວຽນເຕີນຢູ້ງ ພ້ອມກັບທ່ານຮອງນາຍົກລັດຖະມົນຕີ ປອກຕຸຍການ Paulo Portas ໄດ້ໄຂການໂອ້ລົມສົນທະນາວິສາຫະກິດ ຫວຽດນາມ - ປອກຕຸຍການ. ກ່ຽວກັບການພົວພັນ ຫວຽດນາມ - ປອກຕຸຍການ, ທ່ານນາຍົກລັດຖະມົນຕີ ຫງວຽນເຕີນຢູ້ງ, ຊີ້ແຈ້ງວ່າ:
“ຂ້າພະເຈົ້າມີການເຈລະຈາກັບທ່ານປະທານາທິບໍດີ ແລະ ທ່ານນາຍົກລັດຖະມົນຕີ ປອກຕຸຍການສຳເລັດຜົນຢ່າງຈົບງາມ. 2 ຝ່າຍເຫັນດີເປັນເອກະສັນສູງໂດຍຖືວ່າ: 40 ປີຜ່ານມາ, ການຮ່ວມມືຂອງ 2 ປະເທດບັນລຸໄດ້ໝາກຜົນຕັ້ງໜ້າຫຼາຍຢ່າງ. 2 ຝ່າຍຍັງມີຄວາມສາມາດບົ່ມຊ້ອນຫຼາຍຢ່າງອາດສາມາດໜູນຊ່ວຍເຊິ່ງກັນ ແລະ ກັນເພື່ອພ້ອມກັນພັດທະນາ. 2ຝ່າຍລ້ວນແຕ່ເຊື່ອໝັ້ນວ່າ: ດ້ວຍການພົວພັນອັນດີງາມທີ່ມີຢູ່ແລ້ວ ແລະ ດ້ວຍກອບກົດໝາຍທີ່ມີຢູ່ແລ້ວ ແລະ ຫາກໍ່ລົງນາມນັ້ນ, ຫວຽດນາມ ແລະ ປອກຕຸຍການ ອາດຈະບັນລຸວົງເງິນການຄ້າ 2 ສົ້ນແຕ່ລະດັບກ່ວາ 350 ລ້ານ USD ໃນປີ 2014 ຂຶ້ນເຖິງ 1 ຕື້ USD ໃນໄລຍະຈະມາເຖິງ.”
ທ່ານນາຍົກລັດຖະມົນຕີ ຫງວຽນເຕີນຢູ້ງ ຢັ້ງຢືນລັດຖະບານ ຫວຽດນາມ ໃຫ້ຄຳໝັ້ນສັນຍາຈະສ້າງທຸກເງື່ອນໄຂສະດວກເພື່ອໃຫ້ບັນດານັກລົງທຶນ ປອກຕຸຍການ ດຳເນີນການລົງທຶນສຳເລັດຜົນ, ໝັ້ນຄົງ, ຍາວນານຢູ່ ຫວຽດນາມ.