ທ່ານນາຍົກລັດຖະມົນຕີ ຫງວຽນເຕີ໋ນຢຸງ ແລະ
ທ່ານປະທານາທິບໍດີ Barck Obama
(ພາບ: VGP)
(vovworld) - ຕອນຄ່ຳວັນທີ 17/02, ທ່ານນາຍົກລັດຖະມົນຕີ ຫງວຽນເຕີ໋ນຢຸງ ພ້ອມກັບຄະນະຜູ້ແທນຂັ້ນສູງລັດຖະບານ ຫວຽດນາມກັບເມືອຮອດສະໜາມບິນສາກົນ ໂນ້ຍບາຍ, ຮ່າໂນ້ຍ, ສິ້ນສຸດການເຂົ້າຮ່ວມກອງປະຊຸມຂັ້ນສູງພິເສດ ອາຊຽນ - ອາເມລິກາ ເຊິ່ງດຳເນີນເປັນເວລາ 2 ວັນຫວ່າງແລ້ວນີ້ ຢູ່ລັດ California, ອາເມລິກາ ຢ່າງຈົບງາມ.
ຜົນສຳເລັດຂອງກອງປະຊຸມຄັ້ງນີ້ ບໍ່ພຽງແຕ່ແມ່ນຂີດໝາຍໃໝ່ ດ້ວຍມາດຕະການລະອຽດຫລາຍຢ່າງ ເພື່ອແນໃສ່ນຳການພົວພັນຄູ່ຮ່ວມມືຍຸດທະສາດ ອາຊຽນ - ອາເມລິກາ ເຂົ້າສູ່ຄວາມຈິງ ແລະ ມີປະສິດທິຜົນ ຕິດພັນກັບຜົນປະໂຫຍດຍຸດທະສາດ, ພິເສດ ແມ່ນດ້ານເສດຖະກິດ ແລະ ຄວາມສະຫງົບປອດໄພຂອງທັງ 2 ຝ່າຍເທົ່ານັ້ນ ຫາກຍັງສ້າງຄວາມປະທັບໃຈຂອງ ຫວຽດນາມ ເຊິ່ງເປັນສະມາຊິກຍາມໃດກໍ່ເປັນເຈົ້າການ, ຕັ້ງໜ້າ ແລະ ມີຄວາມຮັບຜິດຊອບດ້ວຍຄວາມວັດທະນາຖາວອນຂອງປະຊາຄົມ ອາຊຽນ ອີກດ້ວຍ.