ວັນທີ 6/1, ຢູ່ຮ່າໂນ້ຍ, ກະຊວງກໍ່ສ້າງໄດ້ຈັດກອງປະຊຸມຜັນຂະຫຍາຍໜ້າທີ່ແຜນການປີ 2012 ຂະແໜງກໍ່ສ້າງ. ກ່າວຄຳເຫັນຊີ້ນຳກອງປະຊຸມ, ທ່ານນາຍົກລັດຖະມົນຕີຫວຽດນາມຫງວຽນເຕີນຢູງໄດ້ຍ້ອງຍໍຊົມເຊີຍ ແລະຕີລາຄາສູງບັນດາຜົນງານຮອບດ້ານພໍສົມຄວນ ຊື່ງຂະແໜງກໍ່ສ້າງບັນລຸໄດ້ໃນປີ 2011, ໂດຍສະເພາະແມ່ນການພັດທະນາເຮືອນຢູ່ສັງຄົມ, ການຄຸ້ມຄອງ, ວາງແຜນກຳນົດກໍ່ສ້າງຕົວເມືອງ, ການຮ່ວມມືກັບສາກົນ ແລະການປະຕິຮູບດ້ານບໍລິຫານ. ທ່ານນາຍົກລັດຖະມົນຕີຫວຽດນາມຫງວຽນເຕີນຢູງໄດ້ຍົກອອກ 6 ໜ້າທີ່ຊື່ງຂະແໜງກໍ່ສ້າງຕ້ອງປະຕິບັດໃນໄລຍະທີ່ຈະມາເຖິງ, ໃນນັ້ນໜ້າທີ່ກໍ່ສ້າງ, ຄຸ້ມຄອງການວາງແຜນກຳນົດຕົວເມືອງຕ້ອງແມ່ນໜ້າທີ່ອັນດັບ 1: “ຂ້າພະເຈົ້າເນັ້ນໜັກວ່າ ຂະແໜງກໍ່ສ້າງຕ້ອງເອົາໃຈໃສ່ເປັນພິເສດ ເພື່ອຍົກສູງຄຸນນະພາບ, ປະສິດທິຜົນຂອງການກໍ່ສ້າງ, ຄຸ້ມຄອງການວາງແຜນກຳນົດຕົວເມືອງ. ຢາກຫັນເປັນອຸດສາຫະກຳ, ຫັນເປັນຕົວເມືອງຕາມທິດສີວິໄລ, ທັນສະໄໝ, ທຳອິດແມ່ນຕ້ອງວາງແຜນກຳນົດ ຊື່ງແມ່ນຂອດຕັດສິນໃນການພັດທະນາຂະແໜງກໍ່ສ້າງ. ກ່ອນອື່ນໝົດຕ້ອງກວດຄືນລະບອບ, ກົດໝາຍ, ກ່ຽວກັບການວາງແຜນພັດທະນາຕົວເມືອງ”.
ທ່ານນາຍົກລັດຖະມົນຕີໃສ່ໃຈເປັນພິເສດ ເຖິງໜ້າທີ່ຍົກສູງຄຸນະພາບ, ປະສິດ ທິຜົນ ແລະຄວາມປອດໄພຂອງບັນດາກິດຈະກຳກໍ່ສ້າງ, ຖືການພັດທະນາເຮືອນຢູ່ສັງຄົມແມ່ນໜ້າທີ່ການເມືອງ, ຍົກອອກບັນດາຄາດໝາຍສູ້ຊົນປະຕິບັດໃນແຕ່ລະປີ ແລະເປີດກ້ວາງບັນດາຮູບແບບທົດລອງທີ່ດີ.