ນາຍົກລັດຖະມົນຕີຫງວຽນເຕີ໋ນຢຸງເຂົ້າຮ່ວມແລະຊີ້ນຳກອງປະຊຸມໃຫຍ່ອົງຄະນະພັກແຂວງກວາງຈິ້
ທ່ານນາຍົກລັດຖະມົນຕີ ຫງວຽນເຕີ່ນຢຸງ
ກ່າວຄຳເຫັນຊີ້ນຳກອງປະຊຸມໃຫຍ່
(ພາບ: VGP/Nhanbac)
(vovworld) - ວັນທີ 23/9, ກ່າວຄຳເຫັນຊີ້ນຳກອງປະຊຸມໃຫຍ່, ທ່ານນາຍົກລັດຖະມົນຕີ ຫງວຽນເຕີ່ນຢຸງ ຍ້ອງຍໍ ແລະ ອວຍພອນອົງຄະນະພັກ, ທະຫານ ແລະ ປະຊາຊົນແຂວງ ກວາງຈິ້ ກ່ຽວກັບບັນດາຜົນງານສຳຄັນທີ່ບັນລຸໄດ້ໃນອາຍຸການຜ່ານມາ. ທ່ານນາຍົກລັດຖະມົນຕີ ເນັ້ນໜັກວ່າ: ອົງຄະນະພັກແຂວງ ກວາງຈິ້ ຕ້ອງຊາບຊຶມເລິດເຊິ່ງ ແລະ ໜູນໃຊ້ບັນດາທິດທາງຂອງສູນກາງຢ່າງມີຫົວຄິດປະດິດສ້າງ, ເພື່ອກຳນົດເປົ້າໝາຍ, ທິດທາງ, ໜ້າທີ່ລະອຽດ, ເໝາະສົມກັບເງື່ອນໄຂ, ສະພາບຕົວຈິງຂອງທ້ອງຖິ່ນ ພັດທະນາເສດຖະກິດກະສິກຳຮອບດ້ານ, ມີປະສິດທິຜົນ; ຕິດພັນກັບການແກ້ໄຂບັນຫາຊາວນາ ແລະ ຊົນນະບົດເປັນຢ່າງດີ. ແຂວງ ກວາງຈິ້ ກໍຕ້ອງສືບຕໍ່ກວດກາຄືນ, ອັບເດັດຂັ້ນຕອນເຊື່ອມໂຍງເສດຖະກິດສາກົນຂອງແຂວງ ຕິດພັນກັບຂັ້ນຕອນເຊື່ອມໂຍງເສດຖະກິດສາກົນຂອງທົ່ວປະເທດ. ຍູ້ແຮງການປະຕິຮູບລະບຽບການບໍລິຫານ, ຍົກສູງດັດຊະນີກຳລັງແກ່ງແຍ້ງຂັ້ນແຂວງ, ສ້າງສະພາບແວດລ້ອມແຫ່ງການລົງທຶນ, ດຳເນີນທຸລະກິດຢ່າງສະດວກສະບາຍ, ເພື່ອດຶງດູດການລົງທຶນ; ລະດົມທຸກແຫຼ່ງກຳລັງ, ວິສາຫະກິດຕ່າງໆເຂົ້າໃນການລົງທຶນພັດທະນາບັນດາຂະແໜງການ, ບັນດາຜະລິດຕະພັນທີ່ມີຄວາມສາມາດບົ່ມຊ້ອນ, ທ່າສະດວກຂອງທ້ອງຖິ່ນຢ່າງແຮງ. ແຂວງຕ້ອງສົມທົບກັນ ແລະ ເຊື່ອມຕໍ່ກັບບັນດາແຂວງຂອງ ລາວ ມີ່ມີເສັ້ນຊາຍແດນຮ່ວມກັນ ເພື່ອໜູນຊ່ວຍກັນ, ພ້ອມກັນພັດທະນາຢ່າງມີປະສິດທິຜົນ.