ນາຍົກລັດຖະມົນຕີຫງວຽນເຕີນຢູ້ງເປັນປະທານການເຮັດວຽກກັບສະພາຊົນເຜົ່າຂອງສະພາແຫ່ງຊາດແລະຄະນະກຳມະການຊົນເຜົ່າ
ນາຍົກລັດຖະມົນຕີຫງວຽນເຕີນຢູ້ງເປັນປະທານການເຮັດວຽກກັບສະພາຊົນເຜົ່າຂອງສະພາແຫ່ງຊາດແລະຄະນະກຳມະການຊົນເຜົ່າ
(ພາບ: Đức Tám/TTXVN)
(vovworld) – ວັນທີ 8/7, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫງວຽນເຕີນຢູ້ງ ເປັນປະທານການເຮັດວຽກກັບສະພາຊົນເຜົ່າຂອງສະພາແຫ່ງຊາດ ແລະ ຄະນະກຳມະການຊົນເຜົ່າ ກ່ຽວກັບນະໂຍບາຍຊົນເຜົ່າ. ເມື່ອສະຫລຸບການເຮັດວຽກ, ທ່ານນາຍົກລັດຖະມົນຕີ ຫງວຽນເຕີນຢູ້ງ ເນັ້ນໜັກວ່າ:
“ນະໂຍບາຍຊົນເຜົ່າແມ່ນບັນຫາຍຸດທະສາດ, ພື້ນຖານ, ແມ່ນໜ້າທີ່ການເມືອງຈຸດສຸມ, ເປັນປະຈຳຂອງພັກ, ລັດ, ທຸກຂັ້ນ, ທຸກຂະແໜງການ ແມ່ນຄວາມຮັບຜິດຊອບຂອງທົ່ວລະບົບການເມືອງ. ຖ້າຫາກພວກເຮົາປະຕິບັດນະໂຍບາຍຊົນເຜົ່າເປັນຢ່າງດີຈະປະກອບສ່ວນພັດທະນາປະເທດຊາດຢ່າງໝັ້ນຄົງ, ການຮັກສາ. ຄວາມສະຖຽນລະພາບດ້ານການເມືອງ, ສັງຄົມຕ້ອງອີງໃສ່ພື້ນຖານແມ່ນຄວາມເຊື່ອໝັ້ນຂອງປະຊາຊົນການສະໜັບສະໜູນແຜນນະໂຍບາຍ, ນະໂຍບາຍຂອງພັກ, ລັດ, ຄວາມສາມັກຄີ, ຄວາມເຫັນດີເຫັນພ້ອມ.”
ທ່ານນາຍົກລັດຖະມົນຕີ ຫງວຽນເຕີນຢູ້ງ ສະເໜີວ່າ: ສະພາຊົນເຜົ່າຂອງສະພາແຫ່ງຊາດ ແລະ ຄະນະກຳມະການຊົນເຜົ່າ ຄວນກວດກາ, ຕີລາຄາຄືນບັນດານະໂຍບາຍຊົນເຜົ່າທີ່ໄດ້ຮັບການຜັນຂະຫຍາຍ, ເພີ່ມທະວີການຕິດຕາມກວດກາ, ຄົ້ນພົບບັນດາຂໍ້ຈຳກັດ, ຄົງຄ້າງ, ສະເໜີມາດຕະການແກ້ໄຂເພື່ອປະຕິບັດບັນດານະໂຍບາຍຊົນເຜົ່າໃນໄລຍະຈະມາເຖິງໃຫ້ດີກ່ວາ ແລະ ມີປະສິດທິຜົນກ່ວາ. ທ່ານນາຍົກລັດຖະມົນຕີ ຮຽກຮ້ອງໃຫ້ບັນດາກະຊວງ, ຂະແໜງການກ່ຽວຂ້ອງເບິ່ງແຍງດູແລຊີວິດການເປັນຢູ່ ແລະ ການຜະລິດໃຫ້ພໍ່ແມ່ປະຊາຊົນຊົນເຜົ່າກ່ວາອີກ, ຍົກສູງຄຸນນະພາບການສຶກສາ, ບຳລຸງສ້າງ... ທ່ານນາຍົກລັດຖະມົນຕີ ຫງວຽນເຕີນຢູ້ງ ມອບໃຫ້ກະຊວງແຜນການ ແລະ ການລົງທຶນ, ກະຊວງການເງິນຄິດໄລ່ຄືນ, ຈັດແຫຼ່ງຊັບພະຍາກອນສູງສຸດເພື່ອຜັນຂະຫຍາຍນະໂຍບາຍຊົນເຜົ່າໃນໄລຍະຈະມາເຖິງຢ່າງມີປະສິດທິຜົນ.