ນາຍົກລັດຖະມົນຕີຫງຽນເຕີນຢູ້ງຕ້ອນຮັບອະດີດນາຍົກລັດຖະມົນຕີອັງກິດ Tony Blair
(ພາບ: VGP/Nhật Bắc)
(vovworld) - ທີ່ການຕ້ອນຮັບໃນຕອນບ່າຍວັນທີ 23/7, ທ່ານນາຍົກລັດຖະມົນຕີ ຫງວຽນເຕີນຢູ້ງ ຊົມເຊີຍ ທ່ານ Tony Blair, ອະດີດນາຍົກລັດຖະມົນຕີລາຊະອານາຈັກອັງກິດ ແລະ ອາຍແລນເໜືອມາຢ້ຽມຢາມ ແລະ ເຮັດວຽກຢູ່ຫວຽດນາມ ແລະ ຢືນຢັນວ່າ, ຫວຽດນາມປາດຖະໜາຈະພ້ອມກັບ ລາຊະອານາຈັກອັງກິດມານະພະຍາຍາມ ນຳການພົວພັນຄູ່ຮ່ວມມືຍຸດທະສາດຫວຽດນາມ - ລາຊະອານາຈັກອັງກິດ ໃຫ້ພັດທະນາຢ່າງເລິກເຊິ່ງ, ກວ້າງຂວາງ ແລະ ແທດຈິງກວ່າໃນທຸກຂົງເຂດ: ການເມືອງ, ການຕ່າງປະເທດ, ເສດຖະກິດ, ການຄ້າ, ການລົງທຶນ… ຫວຽດນາມ ກໍ່ປາດຖະໜາວ່າ, ລາຊະອານາຈັກອັງກິດສືບຕໍ່ໜູນຊ່ວຍຫວຽດນາມ ໃນຂົງເຂດລົບລ້າງຄວາມອຶດຫີວ ຫຼຸດຜ່ອນຄວາມທຸກຍາກ, ພັດທະນາພື້ນຖານໂຄງລ່າງເສດຖະກິດ - ສັງຄົມ ແລະ ຮັບມືກັບການປ່ຽນແປງຂອງດິນຟ້າອາກາດ… ສ່ວນທ່ານອະດີດນາຍົກລັດຖະມົນຕີລາຊະອານາຈັກອັງກິດ Tony Blair ກໍ່ຢືນຢັນພ້ອມແລ້ວທີ່ຈະໜູນຊ່ວຍ ແລະ ແບ່ງປັນບົດຮຽນກັບຫວຽດນາມ ໃນຂົງເຂດດຶງດູດທຶນຈາກຕ່າງປະເທດ, ຮັບມືກັບການປ່ຽນແປງຂອງດິນຟ້າອາກາດ, ການພັດທະນາຮູບແບບຄູ່ຮ່ວມມື ພາກລັດ - ເອກະຊົນ (ppp), ການພັດທະນາການສຶກສາ ແລະ ບຳລຸງສ້າງ.
ໃນການຢ້ຽມຢາມ ແລະ ເຮັດວຽກຢູ່ຫວຽດນາມ ຄັ້ງນີ້, ອະດີດນາຍົກລັດຖະ ມົນຕີລາຊະອານາຈັກອັງກິດ Tony Blair ຈະມີການເຮັດວຽກກັບທ່ານລັດຖະ ມົນຕີກະຊວງແຜນການ ແລະ ລົງທຶນ ບູ່ຍກວາງວິງ, ພ້ອມທັງເຂົ້າຮ່ວມ ແລະ ລາຍງານທີ່ການໂອ້ລົມສົນທະນາກ່ຽວກັບ “ທ່າອ່ຽງລົງທຶນທົ່ວໂລກ: ບັນດາຂໍ້ສະເໜີສຳລັບຫວຽດນາມ“ ໂດຍກະຊວງແຜນການ ແລະ ການລົງທຶນສົມທົບກັບຫ້ອງການ Tony Blair ຢູ່ຮ່າໂນ້ຍ ຈັດຕັ້ງຂຶ້ນ.