ນາຍົກລັດຖະມົນຕີຫວຽນຊວນຟຸກເຮັດວຽກກັບການນຳຫຼັກແຫຼ່ງແຂວງກວາງນິງ
(ທ່ານນາຍົກລັດຖະມົນຕີຫວຽນຊວນຟຸກ
ເຮັດວຽກກັບການນຳຫຼັກແຫຼ່ງແຂວງກວາງນິງ)
(vovworld) - ຕອນບ່າຍວັນທີ 22/12, ທ່ານນາຍົກລັດຖະມົນຕີ ຫງວຽນຊວນຟຸກ ພ້ອມກັບຄະນະປະຕິບັດງານຂອງລັດຖະບານ ໄດ້ມີການເຮັດວຽກກັບການນຳຫຼັກແຫຼ່ງແຂວງກວາງນິງ ກ່ຽວກັບສະພາບການປະຕິບັດໜ້າທີ່ເສດຖະກິດ, ສັງຄົມ. ສະຫຼຸບການເຮັດວຽກ, ທ່ານນາຍົກລັດຖະມົນຕີ ໄດ້ຮັບຮູ້ວ່າ ແຂວງກວາງນິງ ໄດ້ຫັນບັນດາແຫຼ່ງກຳລັງພັດທະນາເປັນວຽກງານ ສັງຄົມຢ່າງແຮງ, ໂດຍແມ່ນແຂວງນຳໜ້າໃນການຜັນຂະຫຍາຍການຮ່ວມມືພາກລັດ-ເອກະຊົນ. ກວາງນິງ ຄັດເລືອກໄດ້ເສດຖະກິດປາຍແຫຼມເພື່ອວາງອອກຈຸດສຸມພັດທະນາຢ່າງຖືກທິດ, ໂດຍສະເພາະແມ່ນການທ່ອງທ່ຽວ; ພ້ອມທັງກະກຽມດ້ານພື້ນຖານໂຄງລ່າງໃຫ້ການສ້າງເຂດເສດຖະກິດພິເສດ ເວີນໂດນ ເປັນຢ່າງດີ.
“ວິໄສທັດຂອງກວາງນິງ ແມ່ນຕ້ອງກາຍເປັນໃຈກາງເສດຖະກິດກຳລັງໜູນຂອງພາກເໜືອ ແລະ ທົ່ວປະເທດ, ເປັນສູນພົບປະແລກປ່ຽນສາກົນ, ເປັນຈຸດນັດພົບຂອງນັກລົງທຶນ, ນັກທ່ອງທ່ຽວ, ສິນຄ້າ ແລະ ບັນດາແນວຄວາມຄິດທີ່ມີຫົວຄິດປະດິດສ້າງຢ່າງບຸກທະລຸ. ນາຍົກລັດຖະມົນຕີຫວັງວ່າ, ກວາງນິງ ແມ່ນແຂວງນຳໜ້າໃນການພັດທະນາຫຼາຍທີ່ສຸດຂອງທົ່ວປະເທດໃນອາຍຸການນີ້, ຮັກສາບົດບາດນຳໜ້າໃນການພັດທະນາຂອງເຂດເສດຖະກິດຈຸດສຸມ. ເພື່ອມີວິໄສທັດອັນແຮງກ້ານີ້, ບັນຫາຕົ້ນຕໍ່ແມ່ນສ້າງຄວາມໄວ້ເນື້ອເຊື່ອໃຈເພື່ອໃຫ້ບັນດາວິສາຫະກິດຢູ່ພາຍໃນ ແລະ ຕ່າງປະເທດລົງທຶນຢ່າງແຮງເຂົ້າກວາງນິງ”.