(ນາຍົກລັດຖະມົນຕີເຂົ້າຮ່ວມພິທີ
ເປີດສະຫຼອງທ່າອາກາດສະຍານສາກົນກາດບີ)
(vovworld) - ຕອນເຊົ້າວັນທີ 12/5, ຢູ່ ຫາຍຝ່ອງ, ໄດ້ດຳເນີນພິທີເປີດສະຫຼອງໂຄງການກໍ່ສ້າງທ່າອາກາດສະຍານສາກົນ ກາດບີ. ກ່າວຄວາມເຫັນນະພິທີ, ທ່ານ ຫງວຽນຊວນຟຸກ, ນາຍົກລັດຖະມົນຕີ ໄດ້ຢືນຢັນວ່າ, ທ່າອາກາດສະຍານສາກົນ ກາດບີ ມີບົດບາດສຳຄັນບໍ່ພຽງແຕ່ສຳລັບ ຫາຍຟ່ອງເທົ່ານັ້ນ, ຫາກສຳລັບບັນດາແຂວງແຄມຝັ່ງທະເລທາງພາກເໜືອ ແລະ ເຂດທົ່ງພຽງແມ່ນຳ້ແດງອີກດ້ວຍ. ທ່ານ ຫງວຽນຊວນຟຸກ, ນາຍົກລັດຖະມົນຕີ, ເນັ້ນໜັກວ່າ:
“ຂ້າພະເຈົ້າສະເໜີຕ້ອງພັດທະນາການບໍລິການ, ໂດຍສະເພາະແມ່ນການທ່ອງທ່ຽວ, ການລົງທຶນ, ບັນດາໂຄງລ່າງທີ່ກ່ຽວຂ້ອງ ເພື່ອນຳໃຊ້ສະໜາມບິນຢ່າງມີປະສິດທິຜົນ. ຂ້າພະເຈົ້າສະເໜີບັນດາບໍລິສັດການບິນຄົ້ນຄ້ວາ ໃຫ້ມີຫຼາຍຖ່ຽວບິນໄປເຖິງສະໜາມບິນ ກາດບີ, ເພື່ອໃຫ້ ຫາຍຟ່ອງເສີມຂະຫຍາຍຄຸນປະໂຫຍດຂອງສະໜາມບິນ ກາດບີ, ກໍ່ຄືປະສິດທິຜົນບັນດາສະໜາມບິນສາກົນອື່ນໆຂອງ ຫວຽດນາມອີກ“.
ໂດຍນອນໃນເຄືອຂ່າຍການບິນແຫ່ງຊາດ, ທ່າອາກາດສະຍານສາກົນ ກາດບີມີບົດບາດສຳຄັນໃນຍຸດທະສາດພັດທະນາເສດຖະກິດ - ສັງຄົມຂອງ ຫາຍຟ່ອງ ແລະ ບັນດາແຂວງພາກເໜືອ. ປີ 2012, ທ່ານນາຍົກລັດຖະມົນຕີ ຫວຽດນາມ ໄດ້ໃຫ້ສັດຕະຍາບັນປັບປຸງແຜນສັງລວມທ່າອາກາດສະຍານສາກົນ ກາດບີ ເຖິງປີ 2015 ແລະ ກຳນົດທິດເຖິງປີ 2025. ຕາມນັ້ນແລ້ວ, ທ່າອາກາດສະຍານສາກົນ ກາດບີ ບັນລຸມາດຕະຖານ 4E ຂອງອົງການການບິນພົນລະເຮືອນສາກົນ (ICAO ) ຕອບສະໜອງການເຄື່ອນໄຫວຂອງເຮືອບິນທັນສະໄໝຊະນິດຕ່າງໆເຊັ່ນ Boeing 747, Boeing 777…