ນາຍົກລັດຖະມົນຕີເຂົ້າຮ່ວມພິທີເປີດສະຫຼອງສີລາຈາລຶກເສນາຮັກ ແລະ ການແພດປະຊາຊົນ ເມືອງຮ່ອນເດີດ
ທ່ານນາຍົກລັດຖະມົນຕີ ຫງວຽນເຕີນຢຸງ ເຂົ້າຮ່ວມພິທີ
ເປີດສະຫຼອງສີລາຈາລຶກເສນາຮັກ ແລະ ການແພດປະຊາຊົນ
(ພາບ: vovgiaothong.vn)
(vovworld) – ເນື່ອງໃນໂອກາດສະເຫຼີມສະຫຼອງ 40 ປີແຫ່ງວັນປົດປ່ອຍພາກໃຕ້, ໂຮມປະເທດຊາດເປັນເອກະພາບ, ຕອນເຊົ້າວັນທີ 01/05, ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ເຂົ້າຮ່ວມພິທີເປີດສະຫຼອງສີລາຈາລຶກເສນາຮັກ ແລະ ການແພດປະຊາຊົນຢູ່ເຂດປູຊະນີຍະສະຖານແຫ່ງຊາດ ບາຮ່ອນ, ເມືອງຮ່ອນເດີດ, ແຂວງກຽນຢາງ. ນີ້ແມ່ນສະຖານທີ່ເຊິ່ງທ່ານນາຍົກລັດຖະມົນຕີ ຫງວຽນເຕີນຢຸງ ເຄື່ອນໄຫວ ໃນຂະແໜງເສນາຮັກ ໃນຊຸມປີຕໍ່ຕ້ານ. ສີລາຈາລຶກໄດ້ຮັບການກໍ່ສ້າງດ້ວຍເນື້ອທີ 1000 ຕາລາງແມັດ, ດ້ວຍຍອດຈຳນວນເງິນລົງທຶນໄລຍະ 1 ແມ່ນກວ່າ 3 ຕື້ດົງ. ກ່າວຄຳເຫັນທີ່ພິທີ, ທ່ານນາຍົກລັດຖະມົນຕີ ຫງວຽນເຕີນຢຸງ ໃຫ້ຮູ້ວ່າ, ເລື່ອງກໍ່ສ້າງສີລາສີລາຈາລຶກເສນາຮັກ ແລະ ການແພດປະຊາຊົນແຂວງກຽນຢາງ ບໍ່ພຽງແຕ່ເພື່ອຈົດຈຳ, ອາໄລຫາບັນດານັກຮົບເສນາຮັກ ທີ່ໄດ້ເສຍສະຫຼະຊີວິດຢູ່ທີ່ນີ້ເທົ່ານັ້ນ, ຫາກຍັງແມ່ນເພື່ອສຶກສາມູນເຊື້ອອັນດີງາມຂອງຂະແໜງເສນາຮັກ ແລະ ການແພດປະຊາຊົນກຽນຢາງ ໃຫ້ລຸ້ນຕໍ່ໆໄປອີກດ້ວຍ.
“ຂະແໜງເສນາຮັກ ແລະ ການແພດປະຊາຊົນກຽນຢາງ ມີມູນເຊື້ອອັນດີງາມໃນການກວດ, ປິນປົ່ວພະຍາດໃຫ້ທະຫານເຈັບປ່ວຍ ແລະ ເສຍອົງຄະ, ທະຫານ, ປະຊາຊົນຂອງແຂວງ, ປະຈຸບັນ, ລຸ້ນຕໍ່ໄປຕ້ອງສືບທອດ ແລະ ປະຕິບັດເປັນຢ່າງດີກວ່າພວກຂ້າພະເຈົ້າອີກ, ບັນດາທ່ານໝໍຕ້ອງຮໍ່າຮຽນ, ຕ້ອງນຳໃຊ້ເຕັກໂນໂລຊີສູງ, ລະດັບຄວາມຮູ້ສູງ ເພື່ອດູແລສຸຂະພາບໃຫ້ແກ່ປະຊາຊົນໃຫ້ເປັນຢ່າງດີກວ່າອີກ, ເພື່ອແທດເໝາະກັບມູນເຊື້ອຂອງລຸ້ນກ່ອນໃນຂະແໜງເສນາຮັກ ແລະ ການແພດປະຊາຊົນ”.