ນາຍົກລັດຖະມົນຕີເຢຍລະມັນ ຮຽກຮ້ອງຮັກສາເກຼກ ໃນພາກພື້ນໃຊ້ສະກຸນເງິນເອີໂຣ
ທ່ານນາງນາຍົກລັດຖະມົນຕີເຢຍລະມັນ
(ພາບ:tintuc.vnn.vn)
( vovworld ) – ຕາມໜັງສືພິມ “ແບບຢ່າງ“ ຂອງເຢຍລະມັນ, ນາຍົກລັດຖະມົນຕີປະເທດນີ້, ທ່ານນາງ Angela Makel ຫາກໍ່ຮຽກຮ້ອງໃຫ້ຊອກຫາມາດຕະການຊ່ວຍເກຼກ ຫລຸດພົ້ນອອກຈາກໄພຕ້ອງ “ເນລະເທດ“ ອອກຈາກພາກພື້ນໃຊ້ສະກຸນເງິນເອີໂຣລວມໃນລະດູໃບໃມ້ຫຼົ່ນທີ່ຈະມາເຖິງ. ທ່ານນາງ Angela Makel ຫລີກລ້ຽງບ້ວງເງິນກູ້ຊ່ວຍທີ 3 ໃຫ້ແກ່ອາແທນ ຍ້ອນວິຕົກກັງວົນວ່າສະພາແຫ່ງຊາດເຢຍລະມັນ ບໍ່ຮັບຮອງເອົາແຜນການນີ້, ແຕ່ຢືນຢັນວ່າພ້ອມແລ້ວທີ່ຈະຮັບຮູ້ບ້ວງເງິນກູ້ຊ່ວຍປະຈຸບັນ ດ້ວຍວິທີເພີ່ມພາກສ່ວນປ່ອຍເງິນທີ່ຈະມາເຖິງ ແລະ ຫລຸດຜ່ອນພາກສ່ວນປ່ອຍເງິນພາຍຫຼັງໃນບ້ວງເງິນກູ້ຊ່ວຍດັ່ງກ່າວ. ທ່ານນາງ Angela Makel ຍົກອອກຄຳຮຽກຮ້ອງດັ່ງກ່າວ ໃນສະພາບການທີ່ຄະນະກວດສອບບັນຊີ ຊື່ງລວມມີບັນດາຜູ້ຕາງໜ້າຂອງ “3 ຝ່າຍ“ ເຂົ້າຮ່ວມການກູ້ຊ່ວຍເກຼກ ຄື: ຄະນະກຳມະການເອີລົບ, ກອງທຶນເງິນຕາສາກົນ ແລະ ທະນາຄານສູນກາງເອີລົບ ມີການພົບປະກັບທ່ານລັດຖະມົນຕີກະຊວງການເງິນເກຼກ Yannis Stournaras ເພື່ອຮັບຟັງບົດລາຍງານກ່ຽວກັບໝາກຜົນແຫ່ງການປະຕິຮູບ ແລະ ຫລຸດຜ່ອນການໃຊ້ຈາຍຂອງອາແທນ ກ່ອນທີ່ຈະຕົກລົງຈະປ່ອຍເງິນກູ້ຊ່ວຍທີ່ມີມູນຄ່າ 31,5 ຕື້ເອີໂຣ, ເທົ່າກັບ 39,9 ຕື້ໂດລາສະຫະລັດ ຫຼືບໍ່ ເພື່ອຊ່ວຍປະເທດນີ້ຫລຸດຜ່ອນໄພທີ່ບໍ່ສາມາດແກ້ໄຂໜີ້ສິນຂອງລັດໃນລະດູໃບໃມ້ຫຼົ່ນນີ້.