ນາຍົກລັດຖະມົນຕີໄທ ຖະແຫຼງຍຸບເລີກສະພາ ແຫ່ງຊາດ
(ທ່ານນາງນາຍົກລັດຖະມົນຕີໄທ ຍິງຣັກ ສິນນະວັດ)
(vovworld) - ຕອນເຊົ້າວັນທີ 09/12, ທ່ານນາງນາຍົກລັດຖະມົນຕີ, ທັງເປັນລັດຖະມົນຕີກະຊວງປ້ອງກັນປະເທດໄທ ຍິງຣັກ ສິນນະວັດ ໄດ້ຖະແຫຼງທາງໂທລະພາບແຫ່ງຊາດກ່ຽວກັບເລື່ອງທ່ານນາງໄດ້ຕົກລົງສະເໜີພະບາດສົມເດັດພະເຈົ້າມະຫາຊີວິດ ໃຫ້ສັດຕະຍາບັນຮ່າງລັດຖະດຳລັດຍຸບເລີກສະພາແຫ່ງຊາດຂອງປະເທດນີ້. ທ່ານນາງ ຍິງຣັກ ສິນນະວັດ ຍັງໃຫ້ຮູ້ວ່າ, ທ່ານນາງ ແລະ ບັນດາອົງການທີ່ກ່ຽວຂ້ອງຈະພິຈາລະນາກຳນົດວັນເລືອກຕັ້ງຄັ້ງໃໝ່ໃນຈຸດເວລາໄວທີ່ສຸດ. ໃນໄລຍະນີ້, ທ່ານນາງນາຍົກລັດຖະມົນຕີ ຍິງຣັກ ສິນນະວັດ ແລະ ລັດຖະບານໂທ ຍັງຮັບຜິດຊອບໜ້າທີ່ຊົ່ວຄາວເພື່ອບໍລິຫານວຽກງານຂອງປະເທດຮອດເວລາທີ່ມີລັດຖະບານໃໝ່.
ໃນຂະນະນັ້ນ, ຄະນະຊີ້ນຳການແຫ່ຂະບວນຕ້ານລັດຖະບານຍັງຖະແຫຼງວ່າ ຈະສືບຕໍ່ດຳເນີນການແຫ່ຂະບວນປະທ້ວງຢູ່ສຳນັກງານນາຍົກລັດຖະມົນຕີ, ຍ້ອນຖືວ່າທ່ານນາງນາຍົກລັດຖະມົນຕີ ຍິງຣັກ ສິນນະວັດ ໄດ້ອອກຄຳຕັດສິນຍຸບເລີກສະພາແຫ່ງຊາດ, ແຕ່ລັດຖະບານຊົ່ວຄາວຍັງຄົງຕົວຢູ່. ຄະນະການນຳແຫ່ຂະບວນປະທ້ວງໃຫ້ຮູ້ວ່າ ເຂົາເຈົ້າພ້ອມແລ້ວທີ່ຈະສ້າງຕັ້ງ “ສະພາແຫ່ງຊາດປະຊາຊົນ”.