(vovworld) - ວັນທີ 05 ພະຈິກ, ທ່ານນາງນາຍົກລັດຖະມົນຕີໄທ ຍິງຣັກ ສິນນາວັດ ໄດ້ອອກສຽງປົກປ້ອງໃຫ້ຮ່າງກົດໝາຍອະໄພຍະໂທດທີ່ພວມກໍ່ຄວາມໂຕ້ຖຽງກັນໃນຫາງສຽງພາຍໃນປະເທດ, ເຊິ່ງແມ່ນເຫດທີ່ກໍ່ໃຫ້ເກີດບັດດາການແຫ່ຂະບວນຄັດຄ້ານລັດຖະບານໃນຫຼາຍມືຜ່ານມາ. ກ່າວຄຳເຫັນທາງໂທລະພາບ, ທ່ານນາງນາຍົກລັດຖະມົນຕີໄທ ຢືນຢັນວ່າ ເລື່ອງອະໄພຍະໂທດແມ່ນມີຄວາມຈຳເປັນ ເພື່ອໂຮມປະເທດເປັນເອກະພາບ ພາຍຫຼັງຫຼາຍປີທີ່ເກີດຄວາມວຸ້ນວາຍ ເຊິ່ງເຄີຍພາໄປເຖິງການປາບປາມທີ່ນອງເລືອດຂອງລັດຖະບານສຳລັບຜູ້ແກ່ຂະບວນປະທ້ວງຝ່າຍເສື້ອແດງ ທີ່ສະໜັບສະໜູນອະດີດນາຍົກລັດຖະມົນຕີ ທັກສິນ ສິນນະວັດ ເມື່ອປີ 2010 ເຮັດໃຫ້ສາມັນຊົນຫຼາຍຄົນເສຍຊີວິດ.
ໃນຂະນະນັ້ນ, ພັກປະຊາທິປັດ ພັດວິຕົກກັງວົນວ່າ, ຮ່າງກົດໝາຍນີ້ ຈະລົບລ້າງ ບັນດາການກະທຳຜິດພາດໃນເມື່ອກອນ, ໃນນັ້ນມີການເຂັ່ນຂ້າບັນດາຜູ້ແຫ່ຂະບວນປະທ້ວງທີ່ບໍ່ປະກອບອາວຸດ. ບັນດາຜູ້ຄັດຄ້ານຮ່າງກົດໝາຍນີ້ຖືວ່າ ອະດີດນາຍົກລັດຖະມົນຕີ ທັກສິນ ສິນນະວັດ, ເປັນອ້າຍຂອງທ່ານນາງນາຍົກລັດຖະມົນຕີໄທປະຈຸບັນ ແມ່ນຜູ້ໄດ້ຮັບຜົນປະໂຫຍດຫຼາຍກວ່າໝູ່ ຖ້າຫາກຮ່າງກົດໝາຍອະໄພຍະໂທດນີ້ໄດ້ຮັບການຮັບຮອງເອົາ.