ທ່ານນາຍົກລັດຖະມົນຕີໄທ ປຣາຢຸດ ຈັນໂອຈາ
(ພາບ: TTXVN)
(vovworld) - ວັນທີ 16/10, ໂຄສົກຂອງລັດຖະບານໄທ, ພົນຕີ ສັນເສີນ ແກ້ວກຳເນີດ ໃຫ້ຮູ້ວ່າ, ທ່ານນາຍົກລັດຖະມົນຕີໄທ ປຣາຢຸດ ຈັນໂອຈາ ຢືນຢັນວ່າ, ໃນໄລຍະໄວ້ທຸກ ພະບາດສົມເດັດ ພະເຈົ້າມະຫາຊີວິດ ພູມີພົນ ອະດູນຢາເດດ, ການເຄື່ອນໄຫວທັງໝົດຂອງລັດຍັງຄົງເປັນປົກກະຕິຢູ່. ຕາມ ທ່ານ ສັນເສີນ ແກ້ວກຳເນີດ ແລ້ວ, ທ່ານນາຍົກລັດຖະມົນຕີໄທ ປຣາຢຸດ ຈັນໂອຈາ ຢາກຮັບປະກັນກັບປະຊາຊົນວ່າ, ບໍ່ມີເລື່ອງຢຸດຕິໃນການເຄື່ອນໄຫວຄຸ້ມຄອງລັດ. ຄຳຖະແຫຼງນີ້ຖືກຍົກອອກມາພາຍຫຼັງການປະຊຸມໃນວັນດຽວກັນຂອງສູນຕິດຕາມກວດກາສະພາບ ໂດຍທ່ານ ສຸວະພັນ ຕົນຍຸວັນທະນະ ລັດຖະມົນຕີຫ້ອງວ່າການສຳນັກງານນາຍົກລັດຖະມົນຕີ ໄທ ເປັນເຈົ້າພາບຈັດຕັ້ງ. ພົນຕີ ທ່ານ ສັນເສີນ ແກ້ວກຳເນີດ ຢືນຢັນວ່າ, ຂັ້ນຕອນກັບຄືນສູ່ພື້ນຖານປະຊາທິປະໄຕ ເຊິ່ງອຳນາດການປົກຄອງການທະຫານໄດ້ວາງອອກ ບໍ່ສາມາດປະຕິບັດຕາມແຜນການໄດ້. ຕາມແຜນການ, ການເລືອກຕັ້ງທົ່ວປະເທດຈະຈັດຕັ້ງໃນເດືອນ 11/2017.