ນາຍົກລັດຖະມົນຕີໄທສ້າງຄວາມອຸ່ນອ່ຽນໃຈໃຫ້ປະຊາຊົນພາຍຫຼັງເກີດບັນດາເຫດລະເບີດ
ສະຖານທີ່ເກີດເຫດລະເບີດຢູ່ໄທ
(ພາບ: AFP/TTXVN)
(vovworld) - ຕອນຄ່ຳວັນທີ 12/08, ທ່ານນາຍົກລັດຖະມົນຕີໄທ ປຣະຢຸດ ຈັນໂອຈາ ໄດ້ອອກສຽງສ້າງຄວາມອຸ່ນອ່ຽນໃຈ ແລະ ໝັ້ນໝາຍຕໍ່ປະຊາຊົນປະເທດນີ້ວ່າ ລັດຖະບານຈະມານະພະຍາຍາມຈົດສຸດຄວາມສາມາດຂອງຕົນ ເພື່ອຮັບປະກັນຄວາມປອດໄພໃຫ້ບັນດາພົນລະເມືອງ ແລະ ຮັບປະກັນຄວາມປອດໄພໃຫ້ບັນດາສະຖານທູດ, ສະຖານກົງສູນໃຫຍ່ ແລະ ພົນລະເມືອງຊາວຕ່າງປະເທດພວມດຳລົງຊີວິດ ແລະ ເຮັດວຽກຢູ່ໄທ. ກ່າວຄຳເຫັນໃນລາຍການພິເສດທາງໂທລະພາບ, ທ່ານນາຍົກລັດຖະມົນຕີ ປຣະຢຸດ ຈັນໂອຈາ ໄດ້ເວົ້າວ່າ, ບັນດາເຫດວາງລະເບີດໄດ້ຊີ້ໃຫ້ເຫັນວ່າ “ຍັງຄົງຕົວບັນດາບຸກຄົນຊົ່ວຮ້າຍຢູ່ໄທ”, ບຸກຄົນເຫຼົ່ານັ້ນ “ເຄີຍທວງທຳລາຍການລົງປະຊາມະຕິ ແລະ ປະຈຸບັນແມ່ນວັນບຸນພິເສດຂອງປະຊາຊົນ - ວັນຄ້າຍວັນເກີດຂອງພະມະເຫສີ”. ທ່ານກໍ່ສະເໜີໃຫ້ປະຊາຊົນບໍ່ກໍ່ຄວາມດັ່ນຫຼາຍເກີນໄປຕໍ່ເຈົ້າໜ້າທີ່ ແລະ ຮັບປະກັນວ່າ ລັດຖະບານຈະແຈ້ງໃຫ້ປະຊາຊົນຮັບຊາບວິວັດການສືບສວນ.
ຢ່າງໜ້ອຍສຸດມີເຫດວາງລະເບີດ 11 ຄັ້ງ, ໃນນັ້ນມີບັນດາເຫດວາງລະເບີດຊ້ອນ ທີ່ເກີດຂຶ້ນຢູ່ 5 ແຂວງທາງພາກໃຕ້ຂອງໄທ ໃນຮອບເວລາ 24 ຊົ່ວໂມງຜ່ານມາ, ອັນໄດ້ເຮັດໃຫ້ 4 ຄົນເສຍຊີວິດ ແລະ ນັບສີບໆຄົນຮັບບາດເຈັບ, ໃນນັ້ນມີຊາວຕ່າງປະເທດ.