(vovworld) – ວັນທີ 14/09, ທ່ານນາຍົກລັດຖະມົນຕີໄທ ພະຣຸດ ຈັນໂອຈາ ໄດ້ເຕື້ອງເຖິງຄວາມສາມາດຈະນຳໃຊ້ບັນດາລັດຖະທຳມະນູນສະບັບເກົ່າຄືນໃໝ່, ລວມທັງບັນດາຮ່າງລັດຖະທຳມະນູນທີ່ຫາກໍຖືກປະຕິເສດ, ໃນກໍລະນີຮ່າງລັດຖະທຳມະນູນສະບັບໃໝ່ ບໍ່ໄດ້ຮັບຄວາມເຫັນດີໃນການລົງປະຊາມະຕິ. ກ່າວຄຳເຫັນທີພິທີໄຂເວທີປາໄສປຶກສາຫາລືກ່ຽວກັບແຜນການພັດທະນາເສດຖະກິດສັງຄົມ ຄັ້ງທີ 12 ຂອງໄທ, ທ່ານ ພະຣຸດ ຈັນໂອຈາ ໄດ້ເຕື້ອງເຖິງຄວາມສາມາດ ພິຈາລະນາເລື່ອງສົມທົບບັນດາລັດຖະທຳມະນູນສະບັບປີ 1997 ແລະ 2007, ພ້ອມກັບຮ່າງລັດຖະທຳມະນູນທີ່ ຫາກໍຖືກສະພາປະຕິຮູບແຫ່ງຊາດ ປະຕິເສດ, ເພື່ອສ້າງເປັນລັດຖະທຳມະນູນສະບັບໃໝ່. ທ່ານ ພະຣຸດ ຈັນໂອຈາ ຍັງຢືນຢັນວ່າ, ຕ້ອງມີກົນໄກຄື ຄະນະກຳມະການໄກ່ເກ່ຍ ແລະ ປະຕິຮູບຍຸດທະສາດແຫ່ງຊາດ (NSRRC) ແລະ ບັນດານັກການເມືອງ, ໃນນັ້ນມີການນຳພັກປະຊາທິປະໄຕ, ອະດີດນາຍົກລັດຖະມົນຕີ ອະພິສິດ ເວດຊາຊີວະ ຕ້ອງເຂົ້າໃຈວ່າ ເຂົ້າເຈົ້າບໍ່ສາມາດສວຍໃຊ້ສິດອຳນາດເມື່ອຍາດໄດ້ໄຊຊະນະໃນການເລືອກຕັ້ງ.