ກຳລັງທະຫານຂອງນາໂຕ
(ພາບ: ສຳນັກຂ່າວສານ ຫວຽດນາມ)
(vovworld) – ວັນທີ 6/7, ທ່ານລັດຖະມົນຕີກະຊວງປ້ອງກັນປະເທດ ໂປໂລຍ Antoni Macierewicz ໃຫ້ຮູ້ວ່າ: ຄະນະບັນຊາການ 4 ກອງພັນຂອງອົງການນາໂຕ ໄດ້ຮັບການຜັນຂະຫຍາຍຢູ່ ໂປໂລຍ ແລະ 3 ປະເທດ Baltic (Estonia, Latvia ແລະ Litva) ຈະຕັ້ງທັບຢູ່ນະຄອນ Elblag ທາງພາກເໜືອ ໂປໂລຍ, ຫ່າງຈາກແຂວງ Kaliningrad ຂອງລັດເຊຍ ປະມານ 100 ກມ. ຕາມທ່ານ Macierewicz ແລ້ວ, ບັນດາກອງພັນນີ້ບໍ່ພຽງແຕ່ມີຄວາມສາມາດຮັບມືກັບໄພນາບຂູ່ໃນດິນຕໍ່ແຜ່ນເທົ່ານັ້ນ ຫາກຍັງສາມາດຕ້ານຄືນບັນດາໄພນາບຂູ່ຈາກທາງອາກາດ, ກໍ່ຄືກຳມະສິດບັນດາລະບົບສືບລາຊະການລັບອີກດ້ວຍ. ຫົວໜ້າກະຊວງປ້ອງກັນປະເທດ ໂປໂລຍ ຖືວ່າ ເລື່ອງ ນາໂຕ ຕັດສິນຜັນຂະຫຍາຍກຳລັງທະຫານຢູູ່ທິດຕາເວັນອອກ ແມ່ນເພື່ອໂຕ້ຕອບ “ໄພນາບຂູ່ໃນປະຈຸບັນ” ແມ່ນບາດກ້າວທຳອິດໃນແຜນການເພີ່ມທະວີການມີໜ້າຂອງພັນທະມິດການທະຫານໃຫຍ່ກ່ວາໝູ່ຂອງໂລກນີ້ຢູ່ພາກພື້ນ. ເລື່ອງ ນາໂຕ ເພີ່ມທະວີການມີໜ້າຢູ່ບັນດາປະເທດ ເອີລົບຕາເວັນອອກ, ພິເສດແມ່ນໂປໂລຍ ແລະ 3 ປະເທດ Baltic ກໍ່ເຮັດໃຫ້ເພີ່ມຄວາມເຄັ່ງຕຶງກັບ ມົດສະກູ. ລັດເຊຍ ໄດ້ຕຳນິຕິຕຽນການກະທຳດັ່ງກ່າວຂອງ ນາໂຕ ແລະ ໃຫ້ຮູ້ວ່າຈະມີມາດຕະການໂຕ້ຕອບທີ່ເໝາະສົມ. ຫວ່າງມໍ່ໆມານີ້, ກະຊວງປ້ອງກັນສະຫງົບ ລັດເຊຍ ປະກາດ ມົດສະກູ ຄາດວ່າຈະສ້າງຕັ້ງ 3 ກອງພົນໃໝ່ຢູ່ທິດຕາເວັນຕົກ ແລະ ທິດໃຕ້ ເພື່ອຮັບມືກັບບັນດາກຳລັງ ນາໂຕ ຫຍັບມໍ່ເຂົ້າກັບເຂດຊາຍແດນ.