ກ່ຳປັ່ນ ອາເມລິກາ USS Porter
(ພາບ: AFP/TTXVN)
|
(vovworld) - ວັນທີ 16/2, ອົງການນາໂຕ ໃຫ້ຮູ້ວ່າ: ສຳພັນທະມິດການທະຫານນີ້ຈະເພີ່ມທະວີບັນດາການຊ້ອມຮົບຂອງທະຫານເຮືອ ແລະ ການເຄື່ອນໄຫວການຕິດຕາມກວດກາຢູ່ທະເລດຳ. ກ່າວຄຳເຫັນຕໍ່ວົງການນັກຂ່າວ, ທ່ານ Jens Stoltenberg, ເລຂາທິການໃຫຍ່ ນາໂຕ ໃຫ້ຮູ້ວ່າ: ຂໍ້ຕົກລົງນີ້ໂດຍລັດຖະມົນຕີກະຊວງປ້ອງກັນປະເທດບັນດາປະເທດສະມາຊິກ ນາໂຕ ຍົກອອກມາທີ່ກອງປະຊຸມຂັ້ນສູງ ເຊິ່ງໄດ້ຈັດຕັ້ງຢູ່ ບຣຸກແຊນ (ປະເທດ ແບນຊິກ). ຕາມນັ້ນແລ້ວ, ກຸ່ມສຳພັນທະມິດນີ້ໄດ້ເປັນເອກະພາບກ່ຽວກັບການເພີ່ມທະວີການມີໜ້າຂອງທະຫານເຮືອ ຢູ່ທະເລດຳໃຫ້ການເຄື່ອນໄຫວຝຶກຊ້ອມເພີ່ມທະວີບັນດາການຊ້ອມຮົບ ແລະ ສັງເກດສະພາບການ. ເຖິງຢ່າງໃດກໍ່ຕາມ, ທ່ານ Stoltenberg ເນັ້ນໜັກວ່າ: ຂໍ້ຕົກລົງນີ້ພຽງແຕ່ມີລັກສະນະປ້ອງກັນຕົວ ແລະ ແມ່ນປັດໄຈໃນຄວາມມານະພະຍາຍາມດັດປັບກຳລັງຄວາມສາມາດປ້ອງກັນຕົວເພື່ອ “ຕອບສະໜອງສະພາບແວດລ້ອມແຫ່ງຄວາມໝັ້ນຄົງທີ່ນັບມື້ນັບມີສິ່ງທ້າທາຍຫຼາຍຢ່າງ”.