ນຳກົດໝາຍວ່າດ້ວຍທີ່ດິນກ້າວເຂົ້າສູ່ຊີວິດ
ພາບປະກອບ
(vovworld) – ປີ 2014, ກົມໃຫຍ່ທີ່ດິນ, ກະຊວງຊັບພະຍາກອນ ແລະ ສິ່ງແວດລ້ອມ ໄດ້ສຸມໃສ່ກໍ່ສ້າງບັນດາຮ່າງເອກະສານແນະນຳການປະຕິບັດກົດໝາຍທີ່ດິນ (ສະບັບປັບປຸງ) ແລະ ປັບປຸງຮ່າງມະຕິໂດຍໄວບົນພື້ນຖານບັນດາຄຳເຫັນປະກອບຂອງທ້ອງຖີ່ນຕ່າງໆ, ອົງການທີ່ກ່ຽວຂ້ອງ. ນີ້ແມ່ນເນື້ອໃນກອງປະຊຸມສະຫລຸບວຽກງານປີ 2013 ແລະ ປຶກສາຫາລືກ່ຽວກັບບັນດາມາດຕະການຜັນຂະຫຍາຍໜ້າທີ່ປີ 2014 ຂອງກົມໃຫຍ່ທີ່ດິນ, ກະຊວງຊັບພະຍາກອນ ແລະ ສິ່ງແວດລ້ອມ, ຖືກຈັດຂຶ້ນໃນຕອນເຊົ້າວັນທີ 3/1, ຢູ່ ຮ່າໂນ້ຍ.
ກ່າວຄຳເຫັນທີ່ກອງປະຊຸມ, ລັດຖະມົນຕີກະຊວງຊັບພະຍາກອນ ແລະ ສິ່ງແວດລ້ອມ ຫງວຽນມິງກວາງ ເນັ້ນໜັກວ່າ:
“ໝາກຜົນຂອງປີ 2013 ບັນລຸໄດ້ແມ່ນຕັ້ງໜ້າແລະ ສຳຄັນທີ່ສຸດ ແຕ່ນີ້ພຽງແຕ່ແມ່ນຜົນງານໃນເບື້ອງຕົ້ນ. ໜ້າທີ່ວາງອອກສຳລັບວຽກງານຄຸ້ມຄອງແຫ່ງລັດກ່ຽວກັບທີ່ດິນປີ 2014 ແລະ ຊຸມປີຕໍ່ໄປຍັງຄົງໜັກໜ່ວງຢູ່. ປະຈຸບັນ, ບັນຫາທີ່ປະຊາຊົນເອົາໃຈໃສ່ທີ່ສຸດນັ້ນແມ່ນບັນຫາຖອນເອົາທີ່ດິນຄືນ, ການຊົດເຊີຍໜູນຊ່ວຍການຕັ້ງຖິ່ນຖານຄົງທີ່ຄືນໃໝ່, ລາຄາທີ່ດິນ..., ນີ້ແມ່ນບັນດາເນື້ອໃນສຳຄັນທີ່ສຸດ, ພວກເຮົາຄວນສຸມໃສ່ຄົ້ນຄ້ວາຢ່າງລະອຽດລະອໍ”
ຕາມການຕີລາຄາທີ່ກອງປະຊຸມ, ປີ 2013, ກົມໃຫຍ່ຄຸ້ມຄອງທີ່ດິນໄດ້ປະຕິບັດບົດບາດກໍ່ສ້າງ ແລະ ເປັນເສນາທິການໃຫ້ການນຳກະຊວງຍືນສະເໜີຕໍ່ສະພາແຫ່ງຊາດ ແລະ ລັດຖະບານປະກາດໃຊ້ກົດໝາຍສຳຄັນຫຼາຍສະບັບເພື່ອແນໃສ່ຍົກສູງປະສະສິດທິຜົນການຄຸ້ມຄອງລັດ ໃນຂົງເຂດທີ່ດິນ, ພິເສດແມ່ນກົດໝາຍວ່າດ້ວຍທີ່ດິນ (ສະບັບປັບປຸງ) ເຊິ່ງໄດ້ຮັບຮອງເອົາທີ່ກອງປະຊຸມສະໄໝສາມັນເທື່ອທີ 6, ສະພາແຫ່ງຊາດຊຸດທີ 13 ແລະ ມີຜົນສັດສິດນັບແຕ່ວັນທີ 1/7 ຈະມາເຖິງ.