ນຳຈຸດໝາຍໂຄງການຫລຸດຜ່ອນຄວາມທຸກຍາກ ເຂົ້າໃນບັນດາຄາດໝາຍ ແລະແຜນການພັດທະ ນາເສດຖະກິດສັງຄົມ
(ພາບປະກອບ: Lâm Khánh – TTXVN
(vovworld)- ວັນທີ 5/5, ຫ້ອງວ່າການລັດຖະບານໄດ້ອອກແຈ້ງການເຜີຍແຜ່ບົດສະຫລຸບຂອງທ່ານຮອງນາຍົກລັດຖະມົນຕີຫວູ້ວັນນິງ, ຫົວໜ້າຄະນະຊີ້ນຳສູນກາງກ່ຽວກັບການຫລຸດຜ່ອນຄວາມທຸກຍາກແບບຍືນຍົງຢູ່ກອງປະຊຸມໂດຍກົງທາງເຄືອຂ່າຍອິນເຕີແນັດທົ່ວປະເທດກ່ຽວກັບການຕີລາຄາໝາກຜົນແຫ່ງການປະຕິບັດນະໂຍບາຍ, ກົດໝາຍກ່ຽວກັບການຫລຸດຜ່ອນຄວາມທຸກຍາກໄລຍະ 2005-2012 ແລະ ປີ 2013; ຈຸດໝາຍ, ໜ້າທີ່ວຽກງານຫລຸດຜ່ອນຄວາມທຸກຍາກປີ 2014 ແລະ ການກຳນົດທິດຮອດປີ 2015. ໃນບົດສະຫລຸບ, ທ່ານຮອງນາຍົກລັດຖະມົນຕີຫວູ້ວັນນິງ ຢືນຢັນວ່າ: ລະບົບນະໂຍບາຍຫລຸດຜ່ອນຄວາມທຸກຍາກຂອງຫວຽດນາມ ນັບມື້ນັບໄດ້ຮັບການປັບປຸງໃຫ້ບູນແບບ, ມີປະສິດທິຜົນກ່ວາ ແລະ ຄົບຊຸດພໍສົມຄວນ. ທ່ານຮອງນາຍົກລັດຖະມົນຕີຫວູ້ວັນນິງ ໃສ່ໃຈວ່າ, ໃນໄລຍະຈະມາເຖິງ, ບັນດາກະຊວງ, ຂະແໜງການ, ທ້ອງຖິ່ນຕ່າງໆ ຈົ່ງນຳຈຸດໝາຍຫລຸດຜ່ອນຄວາມທຸກຍາກເຂົ້າໃນບັນດາຄາດໝາຍ ແລະ ແຜນການພັດທະນາເສດຖະກິດສັງຄົມຂອງແຕ່ລະປີ, ມີມາດຕະການໜູນຊ່ວຍລະອຽດໃຫ້ແກ່ແຕ່ລະກຸ່ມເປົ້າໝາຍ, ສົ່ງເສີມບື່ນຕົວຂຶ້ນຫລຸດພົ້ນອອກຈາກຄວາມທຸກຍາກ, ທະວີຄູນບັນດາຮູບແບບດີເດັ່ນໃນການປະຕິບັດວຽກງານຫລຸດຜ່ອນຄວາມທຸກຍາກເປັນຢ່າງດີ. ທ່ານຮອງນາຍົກລັດຖະມົນຕີຫວູ້ວັນນິງ ຮຽກຮ້ອງໃຫ້ບັນດາກຸ່ມເສດຖະກິດ, ບໍລິສັດໃຫ່ຍແຫ່ງລັດ ຈົ່ງສືບຕໍ່ປະຕິບັດການຊີ້ນຳຂອງລັດຖະບານກ່ຽວກັບການແບ່ງງານຊ່ວຍເຫຼືອບັນດາເມືອງທຸກຍາກຢ່າງເຂັ້ມງວດ, ແທດຈິງ, ມີປະສິດທິຜົນ, ມີຄວາມເປັນເອກະພາບກັບທ້ອງຖິ່ນ./.