(vovworld) - ຕອນບ່າຍວັນທີ 27/12, ກອງປະຊຸມທົ່ວປະເທດກ່ຽວກັບການຮໍ່າຮຽນ, ຊາບຊືມ ແລະ ຜັນຂະຫຍາຍການປະຕິບັດມະຕິສູນກາງຄັ້ງທີ 6, ຊຸດທີ 11, ໄດ້ອັດລົງພາຍຫຼັງດຳເນີນມາເປັນເວລາ 2 ວັນ ຢູ່ຮ່າໂນ້ຍ. ກ່າວຄຳເຫັນອັດກອງປະຊຸມ, ທ່ານ ດິງເທ໋ຮີນ, ກຳມະການກົມການເມືອງ, ເລຂາສູນກາງພັກ, ຫົວໜ້າຄະນະໂຄສະນາສຶກສາສູນກາງ ຊີແຈ້ງວ່າ ການນຳລັດຖະບານແມ່ນຜູ້ຊີ້ນຳໂດຍກົງວິວັດການກະກຽມບັນດາແຜນຮ່າງ, ເຂົ້າໃຈໄດ້ທາດແທ້ຂອງບັນຫາ. ທ່ານ ດິງເທ໋ຮີນ ສະເໜີໃຫ້ບັນດາທ້ອງຖິ່ນຈັດຕັ້ງການຮໍ່າຮຽນ ແລະ ຊາບຊືມມະຕິຢ່າງເຂັ້ມງວດ.
“ຂ້າພະເຈົ້າສະເໜີໃຫ້ບັນດາສະຫາຍຕ້ອງເອົາໃຈໃສ່ເປັນພິເສດເຖິງວຽກງານ ຕິດຕາມກວດກາ, ເລັ່ງລັດ ການຮໍ່າຮຽນ, ຊາບຊືມ ແລະ ຜັນຂະຫຍາຍບັນດາມະຕິ ແລະ ຂໍ້ສະຫຼຸບຂອງສູນກາງ. ບົດຮຽນຂອງພວກເຮົາໃນການຜັນຂະຫຍາຍມະຕິທີ 11 ກໍຄືມະຕິສູນກາງທີ 4 ໄດ້ສະແດງໃຫ້ເຫັນວ່າ, ຕ້ອງເພີ່ມທະວີການຕິດຕາມກວດກາ, ເລັ່ງລັດ ຈຶ່ງສ້າງການຫັນປ່ຽນກ່ຽວກັບສະຕິຄວາມຮັບຮູ້ ແລະ ການກະທຳໄດ້”.
ດ້ວຍບັນດາເນື້ອໃນທີ່ລາຍງານຢູ່ກອງປະຊຸມ, ທ່ານ ຫງວຽນເຕີນຕວນ (Nguyen Tan Tuan), ຮອງເລຂາຜູ້ປະຈຳການອົງຄະນະພັກແຂວງແຂ໋ງຮ່ວາ ຖືວ່າ.
“ພວກຂ້າພະເຈົ້າຄິດວ່າ, ມະຕິເໝາະສົມກັບຈິດໃຈຂອງປະຊາຊົນ ແລະ ເໝາະສົມກັບສະພາບຕົວຈິງໃນປະຈຸບັນ. ຢູ່ທ້ອງຖິ່ນ, ພວກຂ້າພະເຈົ້າກໍດຳເນີນການຕິດຕາມກວດກາການມອບດິນມອບປ່າ, ການໃຫ້ເຊົ່າທີ່ດິນ ແລະ ຖອນຄືນທີ່ດິນ ເມື່ອຖອນຄືນທີ່ດິນຕ້ອງຮັບປະກັນທັງຜົນປະໂຫຍດຂອງລັດ, ປະຊາຊົນ ແລະ ວິສາຫະກິດ.”