ພາຍຫຼັງ ເຮືອບິນ ລົງຈອດຢູ່ສະໜາມບິນສາກົນ ເຕິນເຊີນເຍິດ, ບັນດາຜູ້ໂດຍສານທັງໝົດໄດ້ຮັບການກວດສຸຂະພາບ ແລະ ນຳໄປແຍກຕົວຢ່າງຖືກຕ້ອງຕາມຂໍ້ກຳນົດ (ພາບ: baoquocte.vn)

ໃນລະຫວ່າງ ວັນທີ 24 ຫາ 25 ມິຖຸນາ ປີ 2020, ບັນດາອົງການທີ່ມີໜ້າທີ່ຮັບຜິບຊອບ, ສະຖານທູດຫວຽດນາມ ປະຈຳ ນີເຊເຣຍ (ທັງຮັບຜິດຊອບ ປະເທດ ກາເມີີຣູນ), ສະຖານທູດຫວຽດນາມ ປະຈຳ ມາເລເຊຍ, ບໍລິສັດການບິນແຫ່ງຊາດຫວຽດນາມ ໄດ້ສົມທົບກັບບັນດາອົງການທີ່ມີໜ້າທີ່ຮັບຜິບຊອບຂອງປະເທດປະຈຳຖິ່ນ, ບໍລິສັດການບິນແຫ່ງຊາດ ເອທີໂອເປຍ ໄດ້ນຳສົ່ງພົນລະເມືອງຫວຽດນາມ 130 ຄົນຈາກປະເທດ ນີເຊເຣຍ, ກາເມີຣູນ ແລະ ມາເລເຊຍກັບມາປະເທດຢ່າງປອດໄພ.

         ພາຍຫຼັງ ເຮືອບິນ ລົງຈອດຢູ່ສະໜາມບິນສາກົນ ເຕິນເຊີນເຍິດ, ບັນດາຜູ້ໂດຍສານທັງໝົດໄດ້ຮັບການກວດສຸຂະພາບ ແລະ ນຳໄປແຍກຕົວຢ່າງຖືກຕ້ອງຕາມຂໍ້ກຳນົດ.

        ໂດຍປະຕິບັດຕາມຄຳສັ່ງຂອງນາຍົກລັດຖະມົນຕີ, ໃນໄລຍະທີ່ຈະມາເຖິງ, ບົນພື້ນຖານການຜັນແປຂອງໂລກລະບາດທັງຢູ່ພາຍໃນປະເທດ ແລະ ສາກົນ, ຕາມຄວາມມຸ່ງມາດປາດຖະໜາຢາກກັບມາປະເທດຂອງພົນລະເມືອງ ແລະ ຄວາມອາດສາມາດໃນການແຍກຕົວຂອງບັນດາທ້ອງຖິ່ນ, ບັນດາອົງການທີ່ມີໜ້າທີ່ຮັບຜິດຊອບຂອງຫວຽດນາມ, ບັນດາອົງການຕາງໜ້າຫວຽດນາມປະຈຳຢູ່ຕ່າງປະເທດ ແລະ ບັນດາບໍລິສັດການບິນພາຍໃນປະເທດຈະສືບຕໍ່ປະຕິບັດບັນດາຖ້ຽວບິນນຳສົ່ງພົນລະເມືອງທີ່ຖືກຕິດຄ້າງຢູ່ຕ່າງປະເທດຍ້ອນໂລກລະບາດ ກັບມາປະເທດ.