ທ່ານ ລີທາຍຫາຍ ປະທານຄະນະກຳມະການປະຊາຊົນແຂວງ ບັກກ້ານ
(ພາບປະກອບ)
vovworld - ວັນທີ 12/10 ທີ່ກອງປະຊຸມເຈລະຈາກັບວິສາຫະກິດ, ທ່ານ ລີທາຍຫາຍ ປະທານຄະນະກຳມະການປະຊາຊົນແຂວງ ບັກກ້ານ ຢືນຢັນວ່າ: ໃນໄລຍະຈະມາເຖິງ, ແຂວງຈະສືບຕໍ່ປະຕິບັດບັນດາມາດຕະການສ້າງສະພາບແວດລ້ອມແຫ່ງການລົງທຶນ, ດຳເນີນທຸລະກິດຢ່າງສະດວກ, ຍົກສູງກຳລັງຄວາມສາມາດແກ່ງແຍ້ງຂອງທ້ອງຖິ່ນ. ແຂວງ ບັກກ້ານ ຈະຈັດຕັ້ງການເຈລະຈາປະຈຳໄລຍະກັບປະຊາຄົມວິສາຫະກິດ, ວົງການນັກຂ່າວຢ່າງໜ້ອຍສຸດ 2 ເທື່ອ/ປີ ເພື່ອກຳແໜ້ນ ແລະ ແກ້ໄຂຄວາມຫຍຸ້ງຍາກ, ຕິດຂັດໃຫ້ວິສາຫະກິດໃນບໍລິເວນຢ່າງທັນການ; ສ້າງຕັ້ງ ແລະ ເປີດເຜີຍ ໂທລະສັບສາຍດ່ວນ. ການນຳແຂວງກໍ່ຮຽກຮ້ອງບັນດາພະແນກ, ຄະນະ, ຂະແໜງການ, ທ້ອງຖິ່ນຕັ້ງໜ້າປະຕິຮູບ, ເປີດເຜີຍ, ບັນດາລະບຽບການບໍລິຫານຢ່າງກະຈ່າງແຈ້ງ ເພື່ອແນໃສ່ປະຕິຮູບສະພາບແວດລ້ອມແຫ່ງການລົງທຶນ, ດຳເນີນທຸລະກິດ. ທ່ານປະທານຄະນະກຳມະການປະຊາຊົນ ລີທາຍຫາຍ ໃຫ້ຮູ້ວ່າ: ຈະເອົາໃຈໃສ່ຊີ້ນຳປະຕິບັດການສ້າງກອງທຶນໜູນຊ່ວຍວິສາຫະກິດໃນໄລຍະຈະມາເຖິງ.