ບັກກ້ານເສີມຂະຫຍາຍທ່າໄດ້ປຽບຂອງບັນດາຜະລິດຕະພັນກະເສດທີ່ມີຕົ້ນກຳເນີດສິນຄ້າ
(ພາບປະກອບ:backan.gov.vn)
(vovworld) - ຜະລິດຕະພັນໄດ້ຮັບການປົກປ້ອງຊື່ເອີ້ນ ຕົ້ນກຳເນີດພ້ອມດ້ວຍເຄື່ອງໝາຍການຄ້າ ເຊິ່ງໄດ້ເອີ້ນຕົ້ນກຳເນີດຂອງສິນຄ້າ. ບັກກ້ານ ແມ່ນແຂວງພູດອຍທາງພາກເໜືອ, ການນຳແຂວງ ບັກກ້ານ ເອົາໃຈໃສ່ເປັນພິເສດເຖິງການພັດທະນາຍີ່ຫໍ້ຜະລິດຕະພັນກະເສດ 5 ຊະນິດຂອງແຂວງ ເຊິ່ງໄດ້ຮັບການຮັບຮອງຕົ້ນກຳເນີດສິນຄ້າ ແລະ ຢັ້ງຢືນຍີ່ຫໍ້ລວມໝູ່ ນັ້ນແມ່ນ: ເຂົ້າສານ ເຈີ້ດົນ, ເສັ້ນລ້ອນ ບັກກ້ານ, ເຂົ້ານາໄຮ່ ເງິນເຊີນ, ໝາກໂກບໍ່ມີແກ່ນ ບັກກ້ານ, ໝາກກ້ຽງນ້ອຍ ບັກກ້ານ. ຕາມການນຳແຂວງ ບັກກ້ານ ແລ້ວ ເລື່ອງຜະລິດຕະພັນກະເສດຫລາຍຊະນິດໄດ້ຮັບໃບຢັ້ງຢືນຈົດລະບຽນຕົ້ນກຳເນີດສິນຄ້າ ແມ່ນກາລະໂອກາດໃຫຍ່ຫລວງໃຫ້ພໍ່ແມ່ປະຊາຊົນບັນດາເຜົ່າຢູ່ ບັກກ້ານ ໃນການພັດທະນາຕົ້ນໄມ້ກິນໝາກພິເສດຂອງທ້ອງຖິ່ນ. ທ່ານ ຟ້າມຢູຍຮືງ ຮອງປະທານຄະນະກຳມະການປະຊາຊົນແຂວງ ບັກກ້ານ ໃຫ້ຮູ້ວ່າ:
“ທາງແຂວງ ມີແຜນການໃນສະເພາະໜ້າ ກໍ່ຄືຍຸດທະສາດຍາວນານ ເພື່ອຕິດພັນການຜະລິດກັບການຈຳໜ່າຍຜະລິດຕະພັນ. ແຂວງໄດ້ສ້າງເຄື່ອງໝາຍການຄ້າສຳເລັດ. ປະຈຸບັນ ແຂວງພວມສ້າງບັນດາເຂດຜະລິດ, ສະຫະກອນຜະລິດບັນດາປະເພດສິນຄ້ານີ້ ເພື່ອຮັບປະກັນຂັ້ນຕອນການຜະລິດໃຫ້ມີສະມັດຕະພາບ, ມີຄຸນນພາບ ແລະ ສຳຄັນແມ່ນມີສະບຽບອາຫານປອດສານພິດ ”.