(vovworld) – ບົດບາດຂອງທະນາຍຄວາມນັບມື້ນັບໄດ້ຮັບການຍົກສູງຂຶ້ນໃນວິວັດທະນາການດຳເນີນຄະດີ - ທ່ານປະທານສະພາແຫ່ງຊາດ ຫງວຽນຊິງຮູ່ງ ໄດ້ເນັ້ນໜັກຄືດັ່ງກ່າວ ທີ່ການເຮັດວຽກກັບສະຫະພັນທະນາຍຄວາມ ຫວຽດນາມ ໃນຕອນເຊົ້າວັນທີ 19/9, ຢູ່ຮ່າໂນ້ຍ. ທ່ານປະທານສະພາແຫ່ງຊາດ ຫງວຽນຊິງຮູ່ງ ຖືວ່າ: ບົດບາດ “ຊາຍຄາລວມ” ຂອງວົງການທະນາຍຄວາມທົ່ວປະເທດ, ສະຫະພັນທະນາຍຄວາມ ຫວຽດນາມ ໄດ້ສ້າງກຳລັງແຮງ, ຮັບປະກັນໃຫ້ອາຊີບເປັນທະນາຍຄວາມພັດທະນາດ້ວຍຈຸດໝາຍປົກປ້ອງ ລະບອບສັງຄົມນິຍົມ, ປົກປ້ອງລະບອບ, ປົກປ້ອງຄວາມຍຸຕິທຳ, ປົກປ້ອງສິດທິມະນຸດ, ໃນນັ້ນມີບັນດາສິດກ່ຽວກັບການເມືອງ, ເສດຖະກິດ, ພົນລະເມືອງ, ວັດທະນະທຳ, ສັງຄົມ ຖືກຕາມເນື້ອໃນຈິດໃຈຂອງລັດຖະທຳມະນູນ.
ຢັ້ງຢືນອາຊີບເປັນທະນາຍຄວາມມີບົດບາດສຳຄັນ, ແມ່ນພາກສ່ວນໜຶ່ງບໍ່ອາດຂາດໄດ້ໃນວິວັດທະນາການດຳເນີນຄະດີ, ທ່ານປະທານສະພາແຫ່ງຊາດ ຫງວຽນຊິງຮູ່ງ ເນັ້ນຫນັກວ່າ: ບັນດາອົງການ ຍຸຕິທຳ, ຕຸລາການຄວນຍົກສູງກ່ວາອີກ ແລະ ຮັບປະກັນບົດບາດກົດໝາຍຂອງທະນາຍຄວາມໃນ ການດຳເນີນຄະດີ. ທ່ານປະທານສະພາແຫ່ງຊາດ ຫວັງວ່າ ສະຫະພັນທະນາຍຄວາມ ຈັດຕັ້ງກອງປະຊຸມໃຫຍ່ຄັ້ງທີ 2 ທີ່ຈະມາເຖິງ ໃຫ້ສຳເລັດຜົນດ້ວຍຈິດໃຈປ່ຽນໃໝ່, ປະຕິບັດໂຄງການພັດທະນາຂອງສະຫະພັນ, ຍົກສູງບົດບາດ, ທີ່ຕັ້ງກົດໝາຍຂອງທະນາຍຄວາ, ເພີ່ມທະວີກຳລັງແຮງຂອງອາຊີບເປັນທະນາຍຄວາມ, ວົງການທະນາຍຄວາມຢ່າງບໍ່ຢຸດຢັ້ງ. ໜ້າທີ່ສຳຄັນທີ່ສຸດຂອງສະຫະພັນແມ່ນຈັດຕັ້ງກຳລັງທະນາຍຄວາມໃຫ້ເຂັ້ມແຂງ, ຕອບສະໜອງຄວາມຕ້ອງການພັດທະນາຂອງປະເທດຊາດ.