ກອງປະຊຸມເຝິກອົບຮົມກ່ຽວກັບຄວາມຮູ້ດ້ານກົດໝາຍໃນການ ປ້ອງກັນ ແລະ ຕ້ານການສໍ້ລາດບັງຫຼວງ
(ພາບ: baomoi.com)
(vovworld) - ຕອນເຊົ້າວັນທີ 23/7, ຢູ່ນະຄອນດ່ານັ້ງ, ກະຊວງຖະແຫຼງຂ່າວ ແລະ ສື່ສານ ສົມທົບກັບກະຊວງຍຸຕິທຳ ໄດ້ຈັດຕັ້ງກອງປະຊຸມເຝິກອົບຮົມກ່ຽວກັບຄວາມຮູ້ດ້ານກົດໝາຍໃນການ ປ້ອງກັນ ແລະ ຕ້ານການສໍ້ລາດບັງຫຼວງໃຫ້ການນຳ, ນັກຂ່າວ ແລະ ບັນນາທິການອົງການສື່ມວນຊົນຕ່າງໆ. ກ່າວຄວາມເຫັນທີ່ກອງປະຊຸມ, ທ່ານລັດຖະມົນຕີຊ່ວຍວ່າການກະຊວງ ຖະແຫຼງຂ່າວ ແລະ ສື່ສານ ຫງວຽນແທ່ງຮຶງ ເນັ້ນໜັກວ່າ:
“ຜ່ານການເຜີຍແຜ່, ສຶກສາດ້ານກົດໝາຍກ່ຽວກັບການປ້ອງກັນ, ຕ້ານການສໍ້ລາດບັງຫຼວງໃນມື້ນີ້, ພວກຂ້າພະເຈົ້າຫວັງວ່າຖັນແຖວນັກລາຍງານພ້ອມກັບບັນດານັກຂ່າວຈະແລກປ່ຽນນຳກັນຢ່າງເປີດອົກເປີດໃຈ ແລະ ກົງໄປກົງມາ, ເພື່ອໃຫ້ວຽກງານໂຄສະນາ, ເຜີຍແຜ່ກ່ຽວກັບການສຶກສາດ້ານກົດໝາຍໃນໄລຍະຈະມາເຖິງໄດ້ຮັບການປະຕິບັດໃຫ້ດີກວ່າ, ຜ່ານນັ້ນປະກອບສ່ວນພ້ອມກັບລັດຖະບານໃນກິດຈະການປ້ອງກັນ ແລະ ຕ້ານການສໍ້ລາດບັງຫຼວງ“.
ໄລຍະຜ່ານມາ, ສື່ມວນຊົນໃນທົ່ວປະເທດໄດ້ຕັ້ງໜ້າປະກອບສ່ວນວຽກງານຕໍ່ສູ້ປ້ອງກັນ ແລະ ຕ້ານການສໍ້ລາດບັງຫຼວງ, ປະກອບສ່ວນເຮັດໃຫ້ການເຄື່ອນໄຫວລັດຖະການຢູ່ບັນດາອົງການລັດມີຄວາມກະຈະແຈ້ງ, ຍົກສູງສະຕິປະຕິບັດກົດໝາຍ ແລະ ບົດບາດຕິດຕາມກວດກາຂອງປະຊາຊົນໃນການເຄື່ອນໄຫວປະຕິບັດວຽກງານລັດຖະການຂອງລັດຖະກອນ ແລະ ການນຳກົງຈັກລັດຖະການ. ເຂົ້າຮ່ວມການກຳນົດທິດໃຫ້ຫາງ ສຽງ ແລະ ສະໜອງຂໍ້ມູນຂ່າວ, ຫຼັກຖານພະຍານ ເພື່ອໃຫ້ບັນດາອົງການທີ່ກ່ຽວຂ້ອງເຂົ້າຮ່ວມ, ສືບສວນ ແລະ ປັບໄໝລົງໂທດ.