ບົດບາດສຳຄັນຂອງມະນຸດໃນການຮັກສາຄວາມລັບແລະຄວາມປອດໄພຂໍ້ມູນຂ່າວ ສານ
ທ່ານ ເລເຊີນຫາຍ ຫົວໜ້າກຳມາທິການຊົນເຜົ່າໄດ້ຮັບລາງວັນ
(ພາບ: VGP/Lê Anh)
(vovworld) - ຕອນບ່າຍວັນທີ 01/12, ກຸ່ມບໍລິສັດຂໍ້ມູນສາກົນ IDG ສົມທົບກັບສະໂມສອນຜູ້ອຳນວຍການບໍລິຫານ ແລະ ຜູ້ອຳນວຍການຮັບຜິດຊ້ອບດ້ານເຕັກໂນໂລຢີຂໍ້ມູນຂ່າວ ຫວຽດນາມ ຈັດຕັ້ງກອງປະຊຸມການນຳເຕັກໂນໂລຢີຂໍ້ມູນຂ່າວສານ ແລະ ຄວາມປອດໄພຂໍ້ມູນຂ່າວສານດີເດັ່ນ ອາຊີຕາເວັນອອກສ່ຽງໃຕ້ (CIO/CSO Summit) ຄັ້ງທີ 12 - ປີ 2016 ດ້ວຍຫົວຂໍ້ວ່າ “ປ່ຽນໃໝ່ບົດບາດ CIO - ຍົກສູງປະສິດທິຜົນການຄຸ້ມຄອງ ແລະ ບໍລິຫານຄວາມສ່ຽງລະບົບ”. ນີ້ແມ່ນເວທີປາໄສເຊື່ອມຕໍ່ບັນດາການນຳຂັ້ນສູງຂອງກຸ່ມລັດຖະບານ, ບັນດາຜູ້ອຳນວຍການເຕັກໂນໂລຢີຂໍ້ມູນຂ່າວ ແລະ ບັນດາຫົວໜ່ວຍສະໜອງມາດຕະການເຕັກໂນໂລຢີ ເພື່ອແນໃສ່ປຶກສາຫາລື, ແລກປ່ຽນບັນດາວິທີການ, ມາດຕະການດີທີ່ສຸດ ເພື່ອແນໃສ່ຍົກສູງກຳລັງຄວາມສາມາດການຄຸ້ມຄອງຂອງອົງການສຳນັກງານ, ວິສາຫະກິດໃນໄລຍະຫັນປ່ຽນໄປສູ່ເຕັກໂນໂລຢີດີຈີຕອນ.
ແລະໃນຕອນຄ່ຳວັນດຽວກັນ ລາງວັນການນຳເຕັກໂນໂລຢີຂໍ້ມູນຂ່າວສານ ແລະ ຄວາມປອດໄພຂໍ້ມູນຂ່າວສານດີເດັ່ນ ອາຊີຕາເວັນອອກສ່ຽງໃຕ້ (CIO/CSO Awards) ໄດ້ມອບໃຫ້ບຸກຄົນດີເດັ່ນ 27 ຄົນ. ທ່ານ ເຈີ່ນຫວຽດທັ໋ງ ຜູ້ອຳນວຍການເຕັກໂນໂລຢີຂໍ້ມູນຂ່າວທະນາຄານກອງທັບ ແມ່ນໜຶ່ງໃນບັນດາບຸກຄົນທີ່ໄດ້ຮັບລາງວັນດັ່ງກ່າວ ໃຫ້ຮູ້ວ່າ:
“IDG ຕີລາຄາສູງບັນດາການເຄື່ອນໄຫວຂອງທະນາຄານກອງທັບ ດັ່ງນັ້ນ ໄດ້ເລືອກເຟັ້ນຂ້າພະເຈົ້າປຽບໝັ້ນ CEO ຂອງອາຊີຕາເວັນອອກສ່ຽງໃຕ້ໃນປີ 2016. ພວກຂ້າພະເຈົ້າພວມສ້າງແຜນການ ແລະ ສືບຕໍ່ກໍ່ສ້າງ, ກຳແໜ້ນຄວາມສາມາດຢ່າງສູງສຸດທີ່ມີຢູ່ແລ້ວຂອງທະນາຄານກອງທັບ ກໍ່ສ້າງມາດຕະການທະນາຄານດີຈີຕອນໃນເຄືອຂ່າຍໂທລະສັບ Mobi, ສ້າງຄວາມສະດວກໃຫ້ລູກຄ້າ ຕອບສະໜອງຄວາມຮຽກຮ້ອງຕ້ອງການດຳເນີນທຸລະກິດຂອງທະນາຄານໃນໄລຍະຕໍ່ໄປ”