(vovworld)- ວັນທີ 19/4, ທ່ານ Hussein Hishammudin, ລັດຖະມົນຕີກະຊວງປ້ອງກັນປະເທດ ທັງເປັນຜູ້ຮັກສາການລັດຖະມົນຕີກະຊວງຄົມມະນາຄົມຂົນສົ່ງ ມາເລເຊຍ ໃຫ້ຮູ້ວ່າ: ໃນ 2 ມື້ຈະມາເຖິງ, ບັ້ນຊອກຫາເຮືອບິນຖືກຫາຍສາບສູນໃນວັນທີ 8/3 ຂອງບໍລິສັດການບິນ Malaysia Airlines ຈະກ້າວເຂົ້າໄລຍະຕັດສິນ.
ກ່າວຄຳເຫັນທີ່ການປະຊຸມຂ່າວ, ທ່ານ Hishammudin ປະກາດວ່າ: ອຸປະກອນກວດກາ ຂອງທະຫານ ອາເມລິກາ ຢູ່ທ້ອງທະເລທີ່ຖືກສົງໃສວ່າ ເຮືອບິນຕົກຈະສິ້ນສຸດໃນອາທິດຫນ້າ. ເຖິງຢ່າງໃດກໍຕາມ, ວຽກງານຊອກຫາເຮືອບິນລຳດັ່ງກ່າວ ຍັງຄົງສືບຕໍ່ໄດ້ຮັບການປະຕິບັດ. ບັນດາອົງການກ່ຽວຂ້ອງ ພວມຄິດໄລ່ຊັ່ງຊາເຖິງບາງວິທີສຳພັດໃຫມ່, ໃນນັ້ນ ເປີດກວ້າງຂອບເຂດຊອກຫາ ແລະ ນຳໃຊ້ອຸປະກອນອື່ນຈຳນວນຫນຶ່ງ ເພື່ອຮັບໃຊ້ວຽກງານຊອກຫາ. ປະຈຸບັນ ມີເຮືອບິນທະຫານ 11 ລຳ ພ້ອມກັບກຳປັ່ນຮົບ 12 ລຳ ເຂົ້າຮ່ວມວຽກງານຊອກຫາເຮືອບິນຖືກຫາຍສາບສູນຂອງມາເລເຊຍ. ຂອບເຂດຊອກຫາເຮືອບິນລຳນີ້ ແມ່ນປະຕິບັດໃນເນື້ອທີ່ 50.200 ຕາລາງກິໂລແມັດ ຢູ່ ທາງທິດໃຕ້ມະຫາສະມຸດອິນເດຍ.