(vovworld) - ໃນຈຸດເວລາສົ່ງທ້າຍປີເກົ່າຕ້ອນຮັບປີໃຫມ່ປີມະເສງ 2013, ຊາວຫວຽດນາມ ພາຍໃນປະເທດ ແລະ ອາໄສຢູ່ຕ່າງປະເທດໄດ້ຈັດການເຄື່ອນໄຫວຫລາຍຢ່າງເພື່ອຕ້ອນຮັບປີໃຫມ່. ຕອນຄຳ່ວັນທີ 9/2, ສູນວັດທະນະທຳຫວຽດນາມ ປະຈຳຝລັ່ງ ໄດ້ຈັດຕັ້ງການເຄື່ອນໄຫວຕ້ອນຮັບບຸນປີໃຫມ່ຢ່າງຟົດຟື້ນມ່ວນຊື່ນ, ໃນນັ້ນໄດ້ຊົມລາຍການຖ່າຍທອດສົດທາງໂທລະພາບບັນຍາກາດຕ້ອນຮັບປີໃຫມ່ຂອງຊາວຫວຽດນາມ ພາຍໃນປະເທດ ແລະ ຮັບຟັງຄຳອວຍພອນປີໃຫມ່ຂອງທ່ານປະທານປະເທດຫວຽດນາມ ເຈືອງເຕີນຊາງ. ລຸງ ຟ້າມຢາຈູງ, ຊາວຫວຽດນາມ ອາໄສຢູ່ຝລ່ັງກວ່າ 60 ປີແລ້ວມີຄວາມສຶກຕື້ນຕັນໃຈໂດຍແບ່ງປັນວ່າ:
“ຂ້າພະເຈົ້າດຳລົງຊີວິດຢູ່ຝລັ່ງກວ່າ 62 ປີແລ້ວ. ຊຸມມື້ບຸນເຕັດແມ່ນຈຸດເວລາໄດ້ພົບປນ, ໂອ້ລົມກັນ ແລະ ຄິດເຖິງປະຊາຊົນຢູ່ພາຍໃນປະເທດ. ຂ້າພະເຈົ້າເຫັນວ່າ ປະຈຸບັນ ປະເທດຫວຽດນາມ ໄດ້ມີການປ່ຽນແປງຫລາຍຢ່າງແລ້ວ ແລະ ຊາວຫວຽດນາມ ກໍມີຄວາມສະຫນິດຕິດພັນນຳກັນຫລາຍກວ່າ. ຂ້າພະເຈົ້າປາດຖະຫນາປະເທດຊາດຈະຮັ່ງມີເຂັ້ມແຂງກວ່າເກົ່າ.”
ໃນມື້ສຸດທ້າຍຂອງປີເກົ່າ, ຊາວຫວຽດນາມ ກວ່າ 70 ຄົນທີ່ດຳລົງຊີວິດຢູ່ ນະຄອນຫລວງໂຕກຽວ ກໍໄດ້ໄປວັດ Nisshin Kutsu ເພື່ອເຂົ້າຮ່ວມພິທີພາວະນາສິ່ງທີ່ດີໃນໂອກາດບຸນເຕັດປະຈຳຊາດ.
ສ່ວນຢູ່ ສປປ ລາວ, ໃນຕອນຄຳ່ມື້ສຸດທ້າຍປີເກົ່າ, ຊາວຫວຽດນາມ ອາໄສຢູ່ ລາວໄດ້ກະກຽມພາເຂົ້າເພື່ອບູຊາປູຍ່າຕາຍາຍ. ທ່ານ ຮ່ວາງຢຽວ ຊາວຫວຽດນາມ ອາໄສຢູ່ລາວ ໃຫ້ຮູ້ວ່າ:
“ໃນຈຸດເວລາສົ່ງທ້າຍປີເກົ່າຕ້ອນຮັບປີໃຫມ່, ໝົດທຸກຄົນໃນຄອບຄົວລ້ວນແຕ່ຮັບຊົມບັນຍາກາດຕ້ອນຮັບບຸນເຕັດຂອງພໍ່ແມ່ປະຊາຊົນຢູ່ພາຍໃນປະເທດ ແລະ ຮັບຟັງຄຳອວຍພອນປີໃຫມ່ຂອງທ່ານປະທານປະເທດ ເຈືອງເຕີນຊາງ. ຫລັງຈາກນັ້ນ ໝົດທຸກຄົນພ້ອມກັນຍົກຈອກອວຍພອນກັນ.”