ກິດຈະກຳກໍ່ສ້າງຂົວ ຮົ່ງ
(ພາບອິນເຕີແນດ)
(vovworld) – ຕອນເຊົ້າວັນທີ 11/2, ໝາຍເຖິງວັນທີ 2 ຂອງບຸນປີໃໝ່ ປີມະເສງ, ບັນຍາກາດອອກແຮງງານ ທຳການຜະລິດໃນຕົ້ນປີໄດ້ດຳເນີນໄປຢ່າງຟົດຟື້ນຢູ່ກິດຈະກຳຈຸດສູມຕ່າງໆໃນນະຄອນດ່ານັ້ງ. ຢູ່ກິດຈະກຳກໍ່ສ້າງຂົວ ຮົ່ງ (ມັງກອນ), ເຊິ່ງແມ່ນໜຶ່ງໃນບັນດາກິດຈະກຳຈຸດສູມເພື່ອສະເຫຼີມສະຫຼອງ 38 ປີ ແຫ່ງວັນປົດປ່ອຍນະຄອນ, ການອອກແຮງງານພວມດຳເນີນໄປຢ່າງຮີບເຮັ່ງ
ອ້າຍ ເຈິ່ນເຕິດຕ່ວານ, ກຳມະກອນກົນຈັກໃຫ້ຮູ້ວ່າ, ປີນີ້ອ້າຍພ້ອມກັບຜູ້ຮ່ວມອາຊີບນັບຮ້ອຍຄົນລ້ວນແຕ່ຕ້ອນຮັບບຸນປີໃໝ່ຢູ່ກິດຈະກຳ:
”ຍ້ອນໜ້າທີ່, ພວກຂ້າພະເຈົ້າຈຶ່ງຕ້ອນຮັບບຸນປີໃໝ່ຢູ່ໃນກິດຈະກຳ, ເຖິງວ່າບໍ່ໄດ້ເອົາບຸນປີໃໝ່ພ້ອມກັບຄອບຄົວຢູ່ບ້ານກໍ່ຕາມ, ແຕ່ຈິດໃຈເຮັດວຽກຂອງພວກຂ້າພະເຈົ້າຍັງຄົງຕັ້ງໜ້າທີ່ສຸດ”.
ມາຮອດປະຈຸບັນ, ນັກປະມູນ Cienco 1 ໄດ້ປະຕິບັດສຳເລັດບັນດາກິດຈະກຳຍ່ອຍທີ່ສຳຄັນແລ້ວ 95%. ນັກວິສາວະກອນ ຫງວຽນວັນຕ່ວານ, ຜູ້ຮັບຜິດຊອບປະຕິບັດວຽກງານປະດັບປະດາກິດຈະກຳຫົວ ແລະ ຫາງມັງກອນ, ໃຫ້ຮູ້ວ່າ:
”ພວກຂ້າພະເຈົ້າພວມພິຈາລະນາວິທີຕ່າງໆເພື່ອແບ່ງກິດກະກຳເປັນແຕ່ລະພາກສ່ວນ. ສຳລັບຫົວມັງກອນພວກຂ້າພະເຈົ້າຕົກລົງແບ່ງອອກເປັນ 4 ພາກສ່ວນ, ເພື່ອຮັບປະກັນສິລະປະ ແລະ ຄຸນນະພາບຂອງມັນ”.
ແລະກໍ່ໃນຕອນເຊົ້າວັນທີ 11/2, ກຳ່ປັ່ນຫາປານັບສິບລຳຂອງຊາວປະມົງ ຫຼີເຊີນ, ແຂວງ ກວາງຫງາຍ, ໄດ້ກະກຽມອອກສູ່ທະເລເພື່ອຫາປາໃນປີ 2013. ພາຍຫຼັງພິທີເປີດປາກທະເລ, ນັບແຕ່ວັນທີ 6 ເຖິງວັນທີ 10 ຂອງບຸນເຕັດ, ຈະມີກຳ່ປັ່ນຫາປາປະມານ 200 ລຳເດີນທາງອອກສູ່ທະເລເພື່ອຫາປາ.