ສະຖານທີ່ເກີດເຫດຖືກປິດລ້ອມ
|
(vovworld) - ວັນທີ 22/3, ການນຳຫຼາຍປະເທດໃນໂລກ ໄດ້ອອກສຽງຕຳຫນິຕິຕຽນເຫດບຸກໂຈມຕີຢູ່ນອກສຳນັກງານສະພາແຫ່ງຊາດ ອັງກິດ ຢູ່ນະຄອນຫຼວງ ລອນດອນ, ເຮັດໃຫ້ຢ່າງນ້ອຍສຸດ 3 ຄົນເສຍຊີວິດ ແລະ ກ່ວາ 40 ຄົນຖືກຮັບບາດເຈັບ.
ໃນສານສະແດງນ້ຳໃຈສາມັກຄີ ແລະ ສະໜັບສະໜູນປະຊາຊົນກໍ່ຄືລັດຖະບານ ອັງກິດ, ທ່ານປະທານາທິບໍດີ ຝຣັ່ງ Francois Hollande, ໄດ້ຢັ້ງຢືນວ່າ ຝຣັ່ງ ເຂົ້າໃຈຄວາມເຈັບປວດ ແລະ ຄວາມເສຍຫາຍເຊິ່ງປະຊາຊົນ ອັງກິດ ພວມແບກຫາບ. ທ່ານນາຍົກລັດຖະມົນຕີ ຝຣັ່ງ Bernard Cazeneuve ກໍ່ສະແດງນ້ຳໃຈສາມັກຄີກັບປະຊາຊົນ ອັງກິດ, ພ້ອມທັງກ່າວປະນາມເຫດການບຸກໂຈມຕີທີ່ຮ້າຍແຮງນີ້. ໃນຂະນະນັ້ນ, ທ່ານປະທານາທິບໍດີ ເຢຍລະມັນ Frank – Walter Steinmeier ຢັ້ງຢືນວ່າ, ໃນຈຸດເວລານີ້, ປະຊາຊົນ ເຢຍລະມັນ ຍາມໃດກໍ່ຮຽງບ່າຮຽງໄລ່ກັບປະຊາຊົນ ອັງກິດ. ໃນຂະນະນັ້ນ, ໃນຖະແຫຼງການຈາກອາເມລິກາ, ໂຄສົກທຳນຽບຂາວ ທ່ານ Sean Spicer ຖະແຫຼງວ່າ ທຳນຽບຂາວ ກ່າວປະນາມການບຸກໂຈມຕີ, ພ້ອມທັງໃຫ້ຄຳໝັ້ນສັນຍາວ່າ: ລັດຖະບານ ອາເມລິກາ ສະໜັບສະໜູນທຸກໆຄວາມມານະພະຍາຍາມເພື່ອໂຕ້ຕອບເຫດບຸກໂຈມຕີ.
ການນຳບັນດາປະເທດຄື: ນາຍົກລັດຖະມົນຕີ ໂຮນລັງ, ນາຍົກລັດຖະມົນຕີ ອີຕາລີ, ນາຍົກລັດຖະມົນຕີ ແບນຊິກ… ກໍ່ກ່າວປະນາມເຫດບຸກໂຈມຕີຢູ່ ອັງກິດຢ່າງແຮງ.