ບັນດາການບຸກໂຈມຕີທີ່ນອງເລືອດຢູ່ຝລັ່ງ,ຄູເວດ,ຕູຍນີຊີເຮັດໃຫ້ 60 ຄົນເສຍຊີວິດ
ໂຮງງານຜະລິດອາຍແກັດກຸ່ມບໍລິສັດ Ari Purdocts
(ພາບ: AFP)
(vovworld) - ວັນທີ 26/06, ບັນດາເຫດບຸກໂຈມຕີທີ່ໂຫດຮ້າຍສາມານຖືກເກີດຂຶ້ນຢູ່ຝລ່ັງ, ຕູຍນີຊີ ແລະ ຄູເວດ ໄດ້ເຮັດໃຫ້ 60 ຄົນເສຍຊີວິດ. ການບຸກໂຈມຕີນອງເລືອດທີ່ສຸດແມ່ນຢູ່ເຂດທ່ອງທ່ຽວພັກຜ່ອນບຳລຸງສຸຂະພາບທີ່ມີຊ່ືສຽງຢູ່ ຕູຍນີຊີ, ເຮັດໃຫ້ 38 ຄົນເສຍຊີວິດ. ຕໍ່ຈາກນັ້ນແມ່ນການວາງລະເບີດສະຫຼະຊີບໂບດອິດສະລາມ ແຫ່ງໜຶ່ງຢູ່ນະຄອນຫຼວງຂອງ ຄູເວດ ເຮັດໃຫ້ 27 ຄົນຖືກເສຍຊີວິດ ແລະ ກວ່າ 200 ຄົນຮັບບາດເຈັບ. ສ່ວນຢູ່ຝລັ່ງ, ມີຄົນໜຶ່ງຖືທຸງ ອິດສະລາມ ໄດ້ບຸກໂຈມຕີເຂົ້າໂຮງງານຜະລິດອາຍແກັດກຸ່ມບໍລິສັດ Ari Purdocts, ຢູ່ Lyon ໄດ້ເຮັດໃຫ້ອາງເກັບອາຍແກັດຖືກລະເບີດຂຶ້ນ, ເຮັດໃຫ້ 1 ຄົນເສຍຊີວິດ ແລະ ຫຼາຍຄົນຮັບບາດເຈັບ. ໃນຖະແຫຼງການລ້າສຸດ, IS ຍ້ອມຮັບວ່າ ແມ່ນຢືນຢູ່ເບື້ອງຫຼັງການບຸກໂຈມຕີຢູ່ ຕູຍນີຊີ, ສ່ວນຕົວການວາງລະເບີດຢູ່ຝລັ່ງ ກໍຖືກຈັບຕົວ, ຜູ້ນີ້ໄດ້ຮັບຖືວ່າ ມີສ່ວນກ່ຽວຂ້ອງເຖິງຂະບວນການອິດສະລາມ Salafist.