ບັນດາການພົບປະນອກກອງປະຊຸມສຸດຍອດG20
ທ່ານປະທານປະເທດ ຈີນ ສີຈິ້ນຜິງ ແລະ
ທ່ານນາງປະທານາທິບໍດີ ສ.ເກົາຫຼີ Park Geun – hye
(vovworld) - ວັນທີ 05/09 ທ່ານນາຍົກລັດຖະມົນຕີ ອົດສະຕາລີ Malcolm Turnbull ສະແດງຄວາມເຊື່ອໝັ້ນວ່າ ອົດສະຕາລີ ຈະລົງນາມໃນສັນຍາເສລີການຄ້າ (FTA) ກັບ ລາຊະອານາຈັກ ອັງກິດ ໄລຍະຫລັງເຫດການ Brexit. ໃນການປະຊຸມຂ່າວຮ່ວມນອກກອງປະຊຸມສຸດຍອດກຸ່ມບັນດາພື້ນຖານເສດຖະກິດພັກທະນາ ແລະ ຫາກໍ່ພົ້ນເດັ່ນໃຫຍ່ທີ່ສຸດຂອງໂລກ (G20) ຢູ່ ຄ໋າງເຈົາ (ຈີນ), ທ່ານນາຍົກລັດຖະມົນຕີ ອົດສະຕາລີ Malcolm Turnbull ແລະ ທ່ານນາງນາຍົກລັດຖະມົນຕີ ອັງກິດ Theresa May ກໍ່ຢືນຢັນວ່າ 2 ປະເທດພ້ອມແລ້ວທີ່ຈະຮ່ວມມື, ໜູນຊ່ວຍເຊິ່ງກັນ ແລະ ການ ພາຍຫລັງລາຊະອານາຈັກ ອັງກິດ ອອກຈາກສະຫະພາບ ເອີລົບ.
ທີ່ການພົບປະອື່ນໆ ຢູ່ນອກກອງປະຊຸມສຸດຍອດ G20, ທ່ານປະທານປະເທດ ຈີນ ສີຈິ້ນຜິງ ຢືນຢັນຄືນໃໝ່ ຄຳໝັ້ນສັນຍາມານະພະຍາຍາມປອດນິວເຄຼຍໃນແຫຼມ ເກົາຫຼີ. ກ່າວຄຳເຫັນທີ່ການເຈລະຈາກັບທ່ານນາງປະທານາທິບໍດີ ສ.ເກົາຫຼີ Park Geun – hye, ທ່ານປະທານປະເທດ ຈີນ ສີຈິ້ນຜິງ ເນັ້ນໜັກວ່າ ຈີນ ໃຫ້ຄຳໝັ້ນສັນຍາຮັກສາສັນຕິພາບ ແລະ ສະຖຽນລະພາບໃນແຫຼມ ເກົາຫຼີ ກໍ່ຄືແກ້ໄຂບັນດາບັນຫາທີ່ກ່ຽວຂ້ອງ ໂດຍຜ່ານການເຈລະຈາ ແລະ ທາບທາມຄວາມເຫັນ.