ການເຄື່ອນໄຫວ ສະເຫຼີມສະຫຼອງວັນແມ່ຍິງສາກົນ (ພາບ: baomoi)
|
(vovworld)- ຕອນເຊົ້າວັນທີ 8/3, ຢູ່ຮ່າໂນ້ຍ, ສະຫະພັນແມ່ຍິງຫວຽດນາມໄດ້ຈັດພິທີສະເຫຼີມສະຫຼອງ 104 ປີແຫ່ງວັນແມ່ຍິງສາກົນ (8/3); 1974 ປີແຫ່ງວັນລຸກຮື້ຂຶ້ນຂອງ 2 ພະນາງຈຶງ ແລະ ມອບລາງວັນ ໂກວາແລບສະກາຍອາ ປີ 2013. ກ່າວຄຳເຫັນທີພິທີສະເຫຼີມສະຫຼອງ,ທ່່ານເລຮົ່ງແອງ, ຜູ້ປະຈຳການຄະນະເລຂາສູນກາງພັກກອມມູນິດຫວຽດນາມ ເນັ້ນໜັກວ່າ :
“ ຈາກສານທົ່ວໂລກຂອງວັນແມ່ຍິງສາກົນປີນີ້ຄື “ ສະເໝີພາບຕໍ່ແມ່ຍິງແມ່ນຄວາມກ້າວໜ້າຂອງມະນຸດ”, ພັກ ແລະລັດຫວຽດນາມຈະສືບຕໍ່ເບິ່ງແຍງ,ຍົກສູງຄວາມຮູ້ທຸກດ້ານ ແລະ ຊີວິດດ້ານວັດຖຸ ແລະ ຈິດໃຈຂອງແມ່ຍິງ. ຄົ້ນຄ້ວາ, ເພີ່ມເຕີມ ແລະ ສ້າງບັນດານະໂຍບາຍໃຫ້ສົມບູນແບບ ເພື່ອແນໃສ່ເສີມຂະຫຍາຍຄວາມສາມາດບົ່ມຊ້ອນ, ການປະດິດຄິດສ້າງຂອງແມ່ຍິງຫວຽດນາມຫຼາຍກ່ວາອີກ. ເອົາໃຈໃສ່ກໍ່ສ້າງ, ບຳລຸງເພື່ອເພີ່ມອັດຕາແມ່ຍິງເຂົ້າຮ່ວມໃນຄະນະພັກ ແລະ ກົງຈັກຄຸ້ມຄອງລັດ. ສ້າງທຸກເງື່ອນໄຂສະດວກເພື່ອໃຫ້ສະຫະພັນແມ່ຍິງຫວຽດນາມເຄຶ່ອນໄຫວຢ່າງມີປະສິດທິຜົນ ແລະ ແທດຈິງ ”
ແລະກໍເນື່ອງໃນໂອກາດວັນແມ່ຍິງສາກົນ , ຕອນເຊົ້າວັນທີ 8/3, ທ່ານນາງ ຮອງປະທານປະເທດຫວຽດນາມ ຫງວຽນທິຢວານ ໄດ້ມີການພົບປະກັບຄະນະຜູ້ແທນນັກທຸລະກິດຍິ່ງທີ່ດີເດັ່ນ ຊຶ່ງແມ່ນສະມາຊິກສະມາຄົມສູນວັດທະນະທຳ ນັກທຸລະກິດຫວຽດນາມ ສັງກັດຫ້ອງການການຄ້າ ແລະ ອຸດສາຫະກຳຫວຽດນາມ. ທ່ານນາງ ຮອງປະທານປະເທດຫວຽດນາມ ຫງວຽນທິຢວານ ໄດ້ຊົມເຊີຍບັນດາ ນັກທຸລະກິດຍິງ ໃນໄລຍະທີ່ຜ່ານມາ ໄດ້ມີບັນດາການເຄື່ອນໄຫວເພື່ອການກຸສົນເພື່ອວົງຄະນະຍາດ, ແຕ່ກ່ອນອື່ນໝົດ ແມ່ນຄວນເອົາໃຈໃສ່ຕໍ່ກຳລັງແຮງງານໃນບໍລິສັດຂອງຕົນ. ທ່ານນາງ ຮອງປະທານປະເທດຫວຽດນາມ ຫງວຽນທິຢວານ ໄດ້ສະເໜີວ່າ ໃນເງື່ອນໄຂປະຈຸບັນ, ນັກທຸລະກິດຍິງແຕ່ລະຄົນຕ້ອງມີຄຸນທາດ, ເສີມຂະຫຍາຍລົກສະນະຂະຫຍັນຂັ່ນເຄື່ອນ ມີຫົວຄິດປະດິດສ້າງ, ອຸທິດສ່ວນຫຼາຍກ່ວາອີກໃຫ້ແກ່ການພັດທະນາລວມຂອງປະເທດຊາດ.