(ພາບປະກອບ)
|
Vovworld- ວັນທີ 20/3, ພ້ອມກັບຜູ້ນຳໃຊ້ພາສາຝະລັ່ງປະມານ 220 ລ້ານຄົນໃນທົ່ວໂລກນັ້ນ, ຫວຽດນາມໄດ້ຈັດຕັ້ງຫຼາຍເຫດການສະເຫຼີມສະຫຼອງວັນພາສາຝະລັ່ງສາກົນ ເພື່ອເຊີດຊູພາສາທີ່ສຳຄັນນີ້, ພ້ອມທັງຢືນຢັນນ້ຳໃຈສ າມັກຄີ, ພ້ອມກັບບັນດາປະເທດ ຊຸກຍູ້ພະລັງຊີວິດຢ່າງແຂງແຮງ ແລະ ຄວາມມີ ຫຼາຍຮູບຫຼາຍສີຂອງພາສາຝະລັ່ງ.
ຕອນຄ່ຳວັນທີ 20/3, ພິທີສະເຫຼີມສະຫຼອງວັນພາສາຝະລັ່ງສາກົນໄດ້ຖືກ ຈັດຂຶ້ນຢ່າງເປັນທາງການ ຢູ່ຮ່າໂນ້ຍ ໂດຍມີການຮ່ວມມືຂອງຫ້ອງການພາກພື້ນ ອາຊີ-ປາຊີຟິກ, ອົງການພາສາຝະລັ່ງສາກົນປະຈຳຫວຽດນາມ.
ກ່ອນໜ້ານັ້ນ, ໃນຕອນບ່າຍຂອງວັນດຽວກັນ, ກອງປະຊຸມສຳມະນາວ່າດ້ວຍຫົວຂໍ້ “ ຕະຫຼາດວຽກເຮັດງານທຳກ່ຽວກັບພາສາຝະລັ່ງຢູ່ຫວຽດນາມ-ສິ່ງທ້າທາຍ ແລະ ແງ່ຫວັງ ” ໄດ້ຖືກໄຂຂຶ້ນຢູ່ຮ່າໂນ້ຍ. ກ່າວຄຳເຫັນຢູ່ທີ່ນີ້, ທ່ານນາງ Anissa Barrak ຜູ້ອຳນວຍການຫ້ອງການພາກພື້ນ-ອົງການພາສາຝະລັ່ງ ໄດ້ຕີລາຄາສູງຂໍ້ລິເລີ່ມຂອງຫວຽດນາມ ຊຶ່ງເປັນຄັ້ງທຳອິດໄດ້ຈັດກອງປະຊຸມສຳມະນານີ້ ແລະ ຖືວ່ານີ້ແມ່ນບັນດາການປະກອບສ່ວນຢ່າງແທດຈິງ ແລະ ລະອຽດເພື່ອໃຫ້ພາສາຝະລັ່ງນັບມື້ນັບມີພະລັງຊີວິດແບບຍືນຍົງໃນປະຊາຄົມ. ທ່ານ ຫງວຽນຫງອກເຊີນ ຜູ້ຊ່ວຍລັດຖະມົນຕີການຕ່າງປະເທດ, ຜູ້ຕ່າງໜ້າຫວຽດນາມປະຈຳອົງການພາສາຝະລັ່ງສາກົນໄດ້ເນັ້ນໜັກວ່າ :
“ ບັນຫາວຽກເຮັດງານທຳຂອງຊາວໜຸ່ມເວົ້າລວມ ແລະ ຊາວໜຸ່ມໃຊ້ພາສາຝະລັ່ງເວົ້າສະເພາະ, ແມ່ນບໍ່ພຽງແຕ່ເປັນສິ່ງທ້າທາຍຕໍ່ຫວຽດນາມເທົ່ານັ້ນ, ຫາກຍັງເປັນສິ່ງທ້າທາຍຕໍ່ ຊາວໜຸ່ມໃຊ້ພາສາຝະລັ່ງໃນທົ່ວໂລກອີກດ້ວຍ. ກອງປະຊຸມສຳມະນາ ແມ່ນເພື່ອແນໃສ່ປຶກສາຫາລືສິ່ງທ້າທາຍພວມປະສົບຢູ່ຫວຽດນາມໃນການແກ້ໄຂ ວຽກເຮັດງານທຳແກ່ຊາວໜຸ່ມ ແລະ ວາງທິດທາງແກ້ໄຂໃນໄລຍະທີ່ຈະມາເຖິງ ”