ບັນດາການເຄື່ອນໄຫວແທດຈິງຫລາຍຢ່າງໃນເດືອນຊາວໜຸ່ມ 2019
(VOVWORLD) - ວັນທີ 28 ກຸມພາ, ຄະນະຊາວໜຸ່ມແຂວງ ຊອກຈັງ ໄດ້ຈັດຕັ້ງການເຄື່ອນໄຫວປະຕິບັດເດືອນຊາວໜຸ່ມ ມີນາ 2019 ດ້ວຍການເຂົ້າຮ່ວມຂອງສະມາຊິກຄະນະຊາວໜຸ່ມກ່ວາ 1.000 ຄົນ.
ພາຍຫລັງພິທີເປີດຂະບວນການເຄື່ອນໄຫວ, ສະມາຊິກຊາວໜຸ່ມ, ຊາວໜຸ່ມກ່ວາ 1000 ຄົນ ໄດ້ລົງເຂດຊົນນະບົດ, ບ່ອນທີ່ມີພໍ່ແມ່ປະຊາຊົນຊົນເຜົ່າສ່ວຍໜ້ອຍດຳລົງຊີວິດ, ອາສາສະໝັກປະຕິບັດການເກັບຂີ້ເຫຍື້ອແຄມຝັ່ງທະເລ, ບໍລິຈາກເລືອດມະນຸດສະທຳ, ໜູນຊ່ວຍຄົນທຸກຍາກ, ປູກຕົ້ນໄມ້ເພື່ອຮູ້ບຸນຄຸນລຸງໂຮ່, ປະຕິບັດການປະຕິຮູບບໍລິຫານ, ມອບທຶນການສຶກສາໃຫ້ນັກຮຽນທຸກຍາກທີ່ຮຽນເກັ່ງ…
ຢູ່ໂຮງຮຽນມັດທະຍົນຕອນປາຍ ຕຽນລື໋, ເມືອງ ຕຽນລື໋, ຄະນະຊາວໜຸ່ມແຂວງ ຮຶງອຽນ ໄດ້ຈັດຕັ້ງການເຄື່ອນໄຫວເດືອນຊາວໜຸ່ມ 2019 ດ້ວຍຫົວຂໍ້ວ່າ: “ໄວໜຸ່ມ ຮຶງອຽນ ອາສາສະໝັກເພື່ອວົງຄະນະຍາດ” ແລະ ປຸກລະດົມການປູກຕົ້ນໄມ້ລະດູບານໃໝ່ປີກຸນ 2019. ນອກນັ້ນ, ຄະນະຊາວໜຸ່ມແຂວງ ຮຶງອຽນ ກໍ່ສຸມໃສ່ຜັນຂະຫຍາຍບັນດາການເຄື່ອນໄຫວໜູນຊ່ວຍຊີວິດສັງຄົມຄື: ຈັດຕັ້ງບັນດາການເຄື່ອນໄຫວກວດພະຍາດ, ສະໜອງຢຸກຢາໂດຍບໍ່ເສຍຄ່າໃຫ້ຄອບຄົວນະໂຍບາຍ, ຜູ້ມີຄຸນງາມຄວາມດີຕໍ່ການປະຕິວັດ.