(ພາບປະກອບ)
(vovworld) – ໃນຂອບເຂດງານບູນໄຫວ້ບູຊາເຈົ້າຊີວິດຮຸ່ງ ທີ່ພວມດຳເນີນໄປຢູ່ເຂດ ປູຊະນີຍະສະຖານວິຫານຮຸ່ງ, ແຂວງຟຸ໋ເຖາະ. ຕອນເຊົ້າວັນທີ 17/04, ຢູ່ບັນດາຕາແສງ ແຄມເຂດປູຊະນີຍະສະຖານວິຫານຮຸ່ງ, ແຂວງຟຸ໋ເຖາະ ແມ່ນຕາແສງ ຮີເກືອງ, ຈູຮ໋ວາ, ຮຸ່ງໂລ, ຕຽນກຽນ, ເວີນຟຸ໋, ເທດສະບານເມືອງຮຸ່ງເຊີນ ໄດ້ຈັດຕັ້ງພິທີແຫ່ວໍຂຶ້ນວິຫານເທື້ອງ. ນີ້ແມ່ນໜຶ່ງໃນບັນດາຈຸດພົ້ນເດັ່ນທີ່ສຳຄັນໃນໂອກາດໄຫວ້ບູຊາເຈົ້າຊີວິດຮຸ່ງ. ເຂົ້າຮ່ວມພິທີບູຊາລວມມີ; ເຈົ້າຂອງພິທີບູຊາ, ຜູ້ມີຖານະຕຳແໜ່ງ, ຜູ້ເຖົ້າຜູ້ແກ່ ພ້ອມກັບລຸ້ນຄົນຕ່າງໆຂອງຊາວບ້ານ, ບັນດານາງສາວໃນຊຸດເຊື້ອຍາວທີ່ເປັນມູນເຊື້ອໄດ້ຖະຫວາຍທູບທຽນ, ດອກໄມ້, ເຄື່ອງຂອງບູຊາຄື ເຂົ້າຕົ້ມ, ເຂົ້າໜົມໄຢ່, ບັນດາຜະລິດຕະພັນຂອງທ້ອງຖິ່ນ ໂດຍປະຊາຊົນອອກແຮງງານ ແລະ ທັງປະຊາຄົມປະດິດຂຶ້ນ. ການເຄື່ອນໄຫວແຕ່ລະຢ່າງໃນພິທີບູຊາເຈົ້າຊີວິດຮຸ່ງ ລ້ວນແຕ່ແມ່ນການຮ່ວມແຮງຮ່ວມໃຈຂອງປະຊາຊົນທຸກຄົນ, ສະແດງໃຫ້ເຫັນລັກສະນະປະຊາຄົມໃນການເຫຼື້ອມໄສເຊື່ອຖືຢ່າງຈະແຈ້ງ. ນີ້ກໍແມ່ນຈຸດທີ່ເປັນເອກະລັກພິເສດຂອງມໍລະດົກວັດທະນະທຳເຫຼື້ອມໄສວິຫານຮຸ່ງ ເພື່ອສືບທອດໃຫ້ລຸ້ນລູກລຸ້ນຫຼານ ແລະ ແມ່ນຈຸດໝາຍເຊິ່ງແຂວງຟຸ໋ເຖາະ ພວມປະຕິບັດການອະນຸລັກຮັກສາມໍລິດົກພາຍຫຼັງໄດ້ຮັບການເຊີດຊູ.