(vovworld) – ປີ 2016, ຈະແມ່ນປີເລີ່ມຕົ້ນປະຕິບັດແຜນການພັດທະນາເສດຖະກິດ - ສັງຄົມໄລຍະ 5 ປີ 2016 – 2020, ເປີດສາກໃຫ້ວິວັດທະນາການພັດທະນາໃໝ່ຂອງພື້ນຖານເສດຖະກິດ. ນີ້ກໍແມ່ນປີເປີດສາກວິວັດການເຊື່ອມໂຍງໃໝ່, ເມື່ອບັນດາຄຳໝັ້ນສັນຍາເຊື່ອມໂຍງເລີ່ມມີຜົນສັກສິດ. ບັນດານັກຊ່ຽວຊານໄດ້ຍົກອອກການຄາດຄະເນທີ່ປະເອີບໃຈໃຫ້ບາດລ້ຽວໃໝ່ຂອງພື້ນຖານເສດຖະກິດໃນປີ 2016.
ທ່ານດ.ຣ ເຈີນຢູຫຼິກ ຖືວ່າ, ນັບແຕ່ປີ 2016 ເປັນຕົ້ນໄປ, ພື້ນຖານເສດຖະກິດຫວຽດນາມ ມີແງ່ຫວັງທີ່ດີ. ທ່ານ ເຈີນຢູຫຼິກ ກໍເຫັນດີິເຫັນພ້ອມກັບຄາດໝາຍເຊິ່ງລັດຖະບານໄດ້ວາງອອກ, ນັ້ນແມ່ນລະດັບເຕີບໂຕດ້ານເສດຖະກິດຈາກ 6,5% ເຖິງ 7%. ໃນຂະນະນັ້ນ, ທ່ານຮອງອະທິການບໍດີມະຫາວິທະຍາໄລເສດຖະກິດນະຄອນໂຮ່ຈິມິນ ເຈີ່ນຮ່ວາງເງິນ ກໍຖືວ່າ, ໃນປີ 2015, ລະດັບເຕີບໂຕດ້ານເສດຖະກິດຂອງຫວຽດນາມ ລື່ນກາຍຄາດໝາຍທີ່ໄດ້ວາງອອກ ແລະ ບັນລຸລະດັບ 6,6%. ດ້ວຍພື້ນຖານນັ້ນ, ລະດັບເຕີບໂຕດ້ານເສດຖະກິດໃນປີ 2016 ສາມາດບັນລຸໄດ້ 6,7%. ສ່ວນທ່ານກຳມະການຜູ້ປະຈຳການ ກຳມາທິການການເງິນງົບປະມານຂອງສະພາແຫ່ງຊາດ ບຸຍດຶກທໍ້ ກໍໃຫ້ຂໍ້ສັງເກດວ່າ, ດ້ວຍທ່າເຕີບໂຕຂອງຫວຽດນາມ ຄືປະຈຸບັນ, ປີ 2016 ຈະມີຫຼາຍປັດໃຈໃໝ່ມີລັກສະນະສະຖຽນລະພາບ ແລະ ພັດທະນາກວ່າ, ສະນັ້ນ, ການເຕີບໂຕ GDP ປີ 2016 ຢູ່ໃນລະດັບ 6,7% ແມ່ນມີຄວາມເປັນໄປໄດ້. ທ່ານ ບຸຍດຶກທໍ້ ຢັ້ງຢືນວ້າ, ເສດຖະກິດ - ສັງຄົມປີ 2016 ຈະພັດທະນາ ດີກວ່າ, ໝັ້ນຄົງກວ່າ ແລະ ມີປະສິດທິຜົນກວ່າ.