(vovworld) – ໃນຊຸມມືຜ່ານມາ, ຫາງສຽງຢູ່ພາກພື້ນ ແລະ ສາກົນລ້ວນແຕ່ສະແດງໃຫ້ເຫັນຄວາມວິຕົກກັງວົນຕໍ່ເລື່ອງຈີນ ປະຕິບັດບັນດາທ້ຽວບິນທົດລອງເຖິງລານບິນ ໂດຍປັກກິງ ກໍ່ສ້າງຢ່າງຜິດກົດໝາຍຢູ່ເກາະ ຈຶ້ເທີບ, ຂຶ້ນກັບໝູ່ເກາະເຈື່ອງຊາ ໃນທະເລຕາເວັນອອກ. ມີຫຼາຍປະເທດໄດ້ອອກສຽງຄັດຄ້ານການກະທຳນີ້ຂອງຈີນ, ໃນຂະນະນັ້ນວົງການນັກຮຽນຮູ້ກໍ່ແບ່ງປັນຫຼາຍຄຳເຫັນກ່ຽວກັບເລື່ອງນຳການຂັດແຍ້ງຢູ່ທະເລຕາເວັນອອກຂຶ້ນສານສາກົນ.
ທ່ານນາງ Theresa Fallon, ນັກຊ່ຽວຊານຂັ້ນສູງກ່ຽວກັບການພົວພັນເອີລົບ -ອາຊີ ແລະ ການຂັດແຍ້ງຢູ່ທະເລຕາເວັນອອກ, ສັງກັດສະຖາບັນເອີລົບຄົ້ນຄວ້າກ່ຽວກັບອາຊີ (EIAS), ໄດ້ຕີລາຄາວ່າ ການກະທຳຂອງຈີນ ເຮັດໃຫ້ສະພາບການຢູ່ໜຶ່ງໃນບັນດາເຂດຂັດແຍ້ງ “ເຄັ່ງຮ້ອນ” ທີ່ສຸດໃນໂລກເຄັ່ງຕຶງຂຶ້ນຕື່ມ. ຕີລາຄາກ່ຽວກັບບັນດາບາດກ້າວຕໍ່ໄປຂອງຈີນ, ນັກຊ່ຽວຊານ Theresa Fallon ຖືວ່າ, ປັກກິງ ອາດຈະສືບຕໍ່ການບຸລະນະບັນດາເກາະ, ປັບປຸງລະບົບຕິດຕໍ່ສື່ສານ, ຕິດຕັ້ງອະປະກອນຣາດາ ໄລຍະໄກ່… ຈີນ ອາດຈະຜັນຂະຫຍາຍກຳ່ປັ່ນຂັບໄລ່ຂອງກອງທັບເຮືອລາດຕາເວນ ແລະ ເຮືອບິນທະຫານຢູ່ບັນດາເກາະນີ້. ຕາມທ່ານນາງ Theresa Fallon ແລ້ວ, ເພື່ອຈຳກັດການກະທຳຂອງຈີນ, ບັນດາປະເທດໃນພາກພື້ນຕ້ອງດຶງດູດຄວາມສົນໃຈຂອງປະຊາຄົມສາກົນ ແລະ ຊຸກຍູ້ການເຄົາລົບກົດໝາຍສາກົນ. ສະຫະພາບເອີລົບ ຄວນຈັດສົ່ງນັກສັງເກດການເຖິງສານກຳມະການສາກົນ ເພື່ອໜູນຊ່ວຍໃຫ້ວິວັດການແກ້ໄຂຄວາມການຂັດແຍ້ງກັນຢູ່ທະເລຕາເວັນອອກ ລະຫວ່າງຝ່າຍຕ່າງໆທີ່ກ່ຽວຂ້ອງ.
ໃນຂະນະນັ້ນ, ສາດສະດາຈານ Eric David, ຫົວໜ້າສູນກົດໝາຍສາກົນ, ທີ່ຂຶ້ນກັບມະຫາວິທະຍາໄລເສລີບຣຸກແຊນ (ULB) ຕີລາຄາວ່າ ການກະທຳກໍ່ສ້າງລານບິນ ຂອງຈີນ ຢູ່ເກາະທີ່ພວມຂັດແຍ້ງກັນນັ້ນແມ່ນ “ການກະທຳແນໃສ່ສະແດງໃຫ້ເຫັນອະທິປະໄຕ”. ສະນັ້ນບັນດາປະເທດກ່ຽວຂ້ອງຕ້ອງມີການກະທຳດ້ວຍວິທີສົ່ງຈົດໝາຍທາງການເພື່ອຄັດຄ້ານຈີນ ແລະ ຢືນຢັນວ່າ ຈີິນບໍ່ມີສິດໃດເພື່ອກໍ່ສ້າງສະໜາມບິນໃນເກາະເຊິ່ງເຂົາເຈົ້າຖືວ່າແມ່ນຂອງຕົນເອງ.