(vovworld) – ທີ່ກອງປະຊຸມສຳມະນາດ້ວຍຫົວຂໍ້ວ່າ: “ຟິລິບປິນ, ຫວຽດນາມ ແລະ ບັນດາການຂັດແຍ້ງຜືນແຜ່ນດິນຢູ່ທະເລຕາເວັນອອກ” ໂດຍສູນ Wilson ຈັດຕັ້ງໃນວັນທີ 3/6 ຢູ່ນະຄອນຫຼວງ ວໍຊິງຕັນ, ບັນດານັກຮຽນຮູ້ໄດ້ສະແດງຄວາມວິຕົກວັງວົນພິເສດກ່ຽວກັບສະພາບຄວາມເຄັ່ງຕຶງປິນຂັ້ນໄດຢູ່ທະເລຕາເວັນອອກ ຍ້ອນບັນດາການກະທຳເກາະຜິດ, ທວງເອົາອະທິປະໄຕຂອງ ຈີນ ແລະ ຖືວ່າບັນດາການຜັນແປນີ້ມີໄພກາຍເປັນວິກິດການທົ່ວໂລກ.
ໃນຂະນະນັ້ນ, ຕອນບ່າຍວັນທີ 3/6, ຢູ່ນະຄອນຫຼວງ ບຣຸກແຊນ, ປະເທດ ແບນຊິກ, ໄດ້ດຳເນີນກອງປະຊຸມສຳມະນາ “ບັນດາເຫດການຢູ່ທະເລຕາເວັນອອກ: ແງ່ມູມດ້ານນິຕິກຳ ແລະ ຜົນສະທ້ອນເຖິງດ້ານການຄ້າ”. ທ່ານຮອງລັດຖະມົນຕີການຕ່າງປະເທດ ຫວຽດນາມ ບູ່ຍແທງເຊີນ ໄດ້ຕີລາຄາສູງ ແລະ ຂໍຂອບອົກຂອບໃຈປະຊາຄົມໂລກ ໄດ້ຄັດຄ້ານບັນດາການກະທຳຜິດພາດຂອງ ຈີນ ໃນເຫດການຕັ້ງຮ້ານເຈາະນ້ຳມັນ ໄຮຢາງ - 981 ຢ່າງຜິດກົດໝາຍໃນເຂດເສດຖະກິດຈຳເພາະ ແລະ ໄຫຼ່ທະວີບຂອງ ຫວຽດນາມ.
ໂດຍຕາງໜ້າໃຫ້ກຸ່ມສະມາຊິກສາພາແຫ່ງຊາດ ສະຫະພາບ ເອີລົບ, ທ່ານ ສສຊ Marc Tarabella ຮັບຜິດຊອບບັນດາບັນຫາ ອາຊຽນ ຢູ່ລັດຖະສະພາ ເອີລົບ, ສະແດງຄວາມວິຕົກກັງວົນກ່ຽວກັບສະພາບການບົນທະເລຈະສົ່ງຜົນສະທ້ອນບໍ່ດີເຖິງການຄ້າໃນໂລກ.