(vovworld) – ໂດຍບໍ່ຫົວຊາຕໍ່ບັນດາການເໜັງຕີງກ່ຽວກັບດ້ານການເງິນ, ບັນດາປັດໄຈພື້ນຖານຮັບປະກັນຄວາມເປັນປົກກະຕິຂອງພື້ນຖານເສດຖະກິດ ລັດເຊຍ ຍັງຄົງເຂັ້ມແຂງ, ນັ້ນແມ່ນບໍ່ຂາດດຸ່ນງົບປະມານ, ລະດັບສະສົມຫຼາຍ, ການຊຳລະໝັ້ນຄົງ, ເຂັ້ມແຂງ. ນີ້ແມ່ນຖະແຫຼງການຂອງທ່ານປະທານາທິບໍດີ ລັດເຊຍ Vladimir Putin ທີ່ເວທີປາໄສການລົງທຶນ “ປະເທດລັດເຊຍ ຮຽກຮ້ອງ” ວັນທີ 2/10 ຢູ່ ມົດສະກູ. ທ່ານປະທານາທິບໍດີ Putin ຕີລາຄາວ່າ: ລະດັບໄພເງິນເຟີ້ເພີ່ມຂຶ້ນໃນເດືອນ 8 – 9 ແມ່ນຍ້ອນ ລັດເຊຍ ໂຕ້ຕອບບັນດາມາດຕະການລົງໂທດຂອງ ຝ່າຍຕາເວັນຕົກ ແລະ ພຽງແຕ່ມີລັກສະນະຊົ່ວຄາວເທົ່ານັ້ນ. ທ່ານຄາດຄະເນວ່າ, ອັດຕາໄພເງິນເຟີ້ປີນີ້ອາດຈະຢູ່ໃນລະດັບແຕ່ 7,5 – 8%, ສູງກ່ວາລະດັບ 6,5% ຂອງປີກາຍ ຍ້ອນລາຄາສະບຽງອາຫານບາງປະເພດເພີ່ມຂຶ້ນ. ເຖິງຢ່າງໃດກໍ່ຕາມ, ລະດັບເພີ່ມຂຶ້ນນີ້ບໍ່ສົ່ງຜົນສະທ້ອນເຖິງການປະຕິບັດບັນດານະໂຍບາຍສັງຄົມ.