ສໍານັກຂ່າວສານ AP ໄດ້ໃຫ້ຂ່າວວ່າ ບັນດາປະເທດ ອາຊີ ພວມກະກຽມຍົກຍ້ອຍບັນດາກໍາມະກອນຕ່າງປະເທດ ອອກຈາກ ອີຣັກ ແລະ ອີຣານ ຕໍ່ໜ້າສະພາບການ ຄວາມເຄັ່ງຕຶງລະຫວ່າງ ເຕເຮຣານ ແລະ ວໍຊີງຕັນ ພວມປິນຂັ້ນໄດ. ທ່ານປະທານາທິບໍ ຟິລິບປິນ Rodrigo Duterte ໄດ້ອອກຄໍາສັ່ງໃຫ້ທະຫານ ຟິລິບປິນ ກຽມພ້ອມຈັດເຮືອບິນ ແລະ ກໍ່າປັ່ນ ເພື່ອແນໃສ່ດໍາເນີນການເຄື່ອນໄຫວຍົກຍ້າຍໃນກໍລະນີຄວາມເຄັ່ງຕຶງເພີ່ມຂຶ້ນອີກ.

        ໃນຂະນະນັ້ນ, ບັນດາເຈົ້າໜ້າທີ່ ສ.ເກົາຫຼີ ພວມປຶກສາຫາລືກ່ຽວກັບວິທີເພີ່ມທະວີການປ້ອງກັນຄວາມປອດໄພໃຫ້ແກ່ຊາວ ສ.ເກົາຫຼີເກືອບ 1.900 ຄົນ ທີ່ຢູ່ສອງປະເທດ ອາຊີຕາເວັນຕົກນີ້, ສ່ວນໂຄສົກກະຊວງການຕ່າງປະເທດ ອິນເດຍ ກ່າວກັບ ສໍານັກຂ່າວສານ AP ວ່າ ປະເທດນີ້ ຍັງບໍ່ທັນມີແຜນການຍົກຍ້າຍພົນລະເມືອງຂອງປະເທດຕົນເທື່ອ.