ບັນດາປະເທດອະນຸພາກພື້ນແມ່ນ້ຳຂອງ ຮ່ວມມືພ້ອມກັນພັດທະນາ
ກອງປະຊຸມລັດຖະມົນຕີບັນດາປະເທດອະນຸພາກພື້ນ
ແມ່ນ້ຳຂອງເປີດກວ້າງ (GMS) ຄັ້ງທີ 19
(ພາບ: kpl.net.la)
(vovworld) – ວັນທີ 10/12, ເຈົ້າໜ້າທີ່ຂັ້ນສູງບັນດາປະເທດລາວ, ຈີນ, ກຳປູເຈຍ, ມຽນມາ, ໄທ ແລະ ຫວຽດນາມ ໄດ້ຈັດກອງປະຊຸມຢູ່ວຽງຈັນ, ເພື່ອເຂົ້າຮ່ວມກອງປະຊຸມລັດຖະມົນຕີບັນດາປະເທດອະນຸພາກພື້ນແມ່ນ້ຳຂອງເປີດກວ້າງ (GMS) ຄັ້ງທີ 19, ເຊິ່ງດຳເນີນໄປເປັນເວລາ 2 ວັນ ດ້ວຍຫົວຂໍ້ວ່າ “ໄລຍະໃໝ່ຂອງບັນດາຂໍ້ລິເລີ່ມອະນຸພາກພື້ນແມ່ນ້ຳຂອງເປີດກວ້າງ ແນໃສ່ເພີ່ມລະດັບຄວາມໄວໃນການພັດທະນາ”, ກອງປະຊຸມຈະສະໜອງພື້ນຖານໃຫ້ບັນດາການນຳເພື່ອປຶກສາຫາລືມາດຕະການເພີ່ມທະວີການຮ່ວມມືໃນພາກພື້ນ. ຕາມສື່ມວນຊົນລາວແລ້ວ, ກອງປະຊຸມລັດຖະມົນຕີ GMS ຄັ້ງທີ 19 ໄດ້ສຸມໃສ່ເຂົ້າໃນບັນດາໂຄງການຂົນສົ່ງດ້ວຍຫຼາຍແບບວິທີ ເຊິ່ງກ່ຽວຂ້ອງເຖິງບັນດາສູນ ແລະ ພາຫະນະຂົນສົ່ງຂ້າມຊາຍແດນ. ນອກຈາກນັ້ນ, ກອງປະຊຸມກໍ່ເອົາໃຈໃສ່ປຶກສາຫາລືບັນດາບັນຫາສຳຄັນທີ່ກ່ຽວຂ້ອງຄື ການພັດທະນາພະລັງງານຜະລິດຄືນໃໝ່ ແລະ ປະສິດທິຜົນ, ການນຳໃຊ້ເຕັກໂນໂລຊີ ແລະ ສືສານ, ການພັດທະນາເຄືອຂ່າຍພື້ນຖານໂຄງລ່າງ, ໂຄສະນາການທ່ອງທ່ຽວ ແລະ ພັດທະນາແຫຼ່ງຊັບພະຍາກອນມະນູດ. ກອງປະຊຸມດຳເນີນການລົງນາມໃນບົດບັນທຶກຊ່ວຍຈຳ (MoU) ກ່ຽວກັບການສ້າງຕັ້ງສະຫະພັນທາງລົດໄຟແມ່ຂອງເປີດກວ້າງ ໃນວັນທີ 11/12.