ບັນດາປະເທດອາຊຽນຮ່ວມມືເພື່ອສະກັດຂັ້ນສະພາບໄຟໄໝ້ປ່າແລະໝອກຄວັນ
(ພາບປະກອບ)
(vovworld) – ໃນຂອບເຂດກອງປະຊຸມລັດຖະມົນຕີສິ່ງແວດລ້ອມອາຊຽນ ຄັ້ງທີ 13 (AMME 13), ພວມດຳເນີນໄປຢູ່ຮ່າໂນ້ຍ, ກອງປະຊຸມບັນດາປະເທດສະມາຊິກເຂົ້າຮ່ວມສັນຍາອາຊຽນ ກ່ຽວກັບມົນລະພິດໝອກຄວັນຂ້າມຊາຍແດນຄັ້ງທີ 11, ເຊິ່ງຖືກດຳເນີນໄປໃນສະພາບມີການກະທົບຢ່າງຮ້າຍແຮງຈາກການປ່ຽນແປງຂອງດິນຟ້າອາກາດ ແລະ ຄວາມຊຸດໂຊມ, ມົນລະພິດສິ່ງແວດລ້ອມ ນັບມື້ນັບສະແດງອອກແຈ້ງກວ່າໃນພາກພື້ນ. ບັນດາລັດຖະມົນຕີ ໄດ້ເຫັນດີສະເໜີບັນດາໃຫ້ການນຳອາຊຽນ ຮັບຮອງເອົາລະບົບຕິດຕາມກວດນາໝອກຄວັນຢູ່ເຂດອານຸພາກພື້ນ ອາຊຽນ. ທ່ານ ຫງວຽນບ໋າຫງ້າຍ, ຮອງຫົວໜ້າກົມໃຫຍ່ກະສິກປ່າໄມ້, ກະຊວງກະສິກຳ ແລະ ພັດທະນາຊົນນະບົດຫວຽດນາມ ໃຫ້ຮູ້ວ່າ, ເລື່ອງສະກັດກັ້ນການໄຟໄໝ້ປ່າ ແລະ ໝອກຄວັນ ກ່ອນອື່ນໝົດແມ່ນໜ້າທີ່ຮັບຜິດຊອບຂອງແຕ່ລະປະເທດ.
“ປະຈຸບັນ, ບັນດາປະເທດອາຊຽນ ໄດ້ສ້າງຕັ້ງສູນຕິດຕາມກວດກາສະໜອງຂໍ້ມູນຂ່າວກ່ຽວຂ້າມຊາຍແດນ. ສູນດັ່ງກ່າວ ໄດ້ສະໜອງຂໍ້ມູນຂ່າວໃນແຕ່ລະມື້, ແຕ່ລະຊົ່ວໂມງ ເປັນປະຈຳກ່ຽວກັບໄຟໄໝ້ປ່າ, ສະພາບໄຟໄໝ້ ກໍຄືຄວບຄຸມອາກາດ. ບັນດາປະເທດອາຊຽນ ກໍໄດ້ສ້າງຕັ້ງກອງທຶນຕ້ານໝອກຄວັນ, ໃນນັ້ນມີຫວຽດນາມ. ນອກຈາກກອງທຶນໂດຍບັນດາປະເທດອາຊຽນ ປະກອບສ່ວນແລ້ວ ຍັງຕ້ອງຮຽກຮ້ອງການປະກອບສ່ວນ, ອຸປະຖຳຈາກບັນດາອົງການຈັດຕັ້ງສາກົນໃຫຍ່ທີ່ກ່ຽວຂ້ອງ, ເພື່ອປະຕິບັດວຽກງານປ້ອງກັນ, ມອດໄພໄໝ້ປ່າ ກໍຄືປະຕິບັດບັນດາມາດຕະການປົກປັກຮັກສາສິ່ງແວດລ້ອມຢ່າງມີປະສິດທິຜົນ”.