ທ່ານປະທານປະເທດຫວຽດນາມ ເຈີນດ້າຍກວາງໄດ້ໃຫ້ການຕ້ອນຮັບທ່ານນາຍົກລັດຖະມົນຕີຄູເວດ Sheikh Jaber Mubarak Al-Hamad Al-Sabad
|
(vovworld)- ວັນທີ 6/5, ຢູ່ຮ່າໂນ້ຍ, ທ່ານປະທານປະເທດຫວຽດນາມ ເຈີນດ້າຍກວາງໄດ້ໃຫ້ການຕ້ອນຮັບທ່ານນາຍົກລັດຖະມົນຕີຄູເວດ Sheikh Jaber Mubarak Al-Hamad Al-Sabad. ທີ່ການຕ້ອນຮັບ, ທ່ານປະທານປະເທດຫວຽດນາມ ເຈີນດ້າຍກວາງ ໄດ້ຢືນຢັນນະໂຍບາຍທີ່ສະເໝີຕົ້ນສະເໝີປາຍຂອງຫວຽດນາມ, ພ້ອມແລ້ວເປັນເພື່ອນ, ແມ່ນຄູ່ຮ່ວມມືທີ່ໄວ້ເນື້ອເຊື່ອໃຈຂອງບັນດາປະເທດໂລກ, ໃນນັ້ນຖືເປັນສຳຄັນການພັດທະນາການພົວພັນຮ່ວມມືມິດຕະພາບກັບຄູເວດ ແລະ ບັນດາປະເທດຕາເວັນອອກກາງ. ທ່ານຫວັງວ່າ ການພົວພັນລະຫວ່າງ 2 ປະເທດຈະຖືກຍົກຂຶ້ນສູ່ລະດັບສູງໃໝ່. ທ່ານປະທານປະເທດຫວຽດນາມ ເຈີນດ້າຍກວາງ ຢືນຢັນວ່າ ຫວຽດນາມພ້ອມແລ້ວຈະຕ້ອນຮັບບັນດາວິສາຫະກິດຄູເວດເຂົ້າມາເຄື່ອນໄຫວຢູ່ຫວຽດນາມ ແລະ ຈະສ້າງເງື່ອນໄຂສະດວກໃຫ້ວິສາຫະກິດ 2 ປະເທດເພີ່ມທະວີການຮ່ວມມືລົງທຶນຢູ່ຕະຫຼາດຂອງກັນ ກໍຄືໃນ 2 ພາກພື້ນ.
ສ່ວນທ່ານນາຍົກລັດຖະມົນຕີຄູເວດ Sheikh Jaber Mubarak Al-Hamad Al-Sabad ໃຫ້ຮູ້ວ່າ ຄູເວດພ້ອມແລ້ວຈະຊຸກຍູ້ການຮ່ວມມືຫຼາຍດ້ານກັບຫວຽດນາມເພື່ອຜົນປະໂຫຍດຂອງປະຊາຊົນ 2 ປະເທດ.
ແລະ ກໍໃນວັນດຽວກັນ, ຢູ່ຮ່າໂນ້ຍ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກໄດ້ໃຫ້ການຕ້ອນຮັບ ແລະ ດຳເນີນການເຈລະຈາກັບທ່ານນາຍົກລັດຖະມົນຕີຄູເວດ Sheikh Jaber Mubarak Al-Hamad Al-Sabad ຊຶ່ງພວມຢ້ຽມຢາມຫວຽດນາມຢ່າງເປັນທາງການ. ທີ່ການເຈລະຈາ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ຢືນຢັນນະໂຍບາຍທີ່ສະເໝີຕົ້ນສະເໝີປາຍຂອງຫວຽດນາມ, ພ້ອມແລ້ວເປັນເພື່ອນ, ແມ່ນຄູ່ຮ່ວມມືທີ່ໄວ້ເນື້ອເຊື່ອໃຈຂອງບັນດາປະເທດໂລກ, ໃນນັ້ນຖືເປັນສຳຄັນການພັດທະນາການພົວພັນຮ່ວມມືມິດຕະພາບກັບຄູເວດ ແລະ ບັນດາປະເທດຕາເວັນອອກກາງ ແລະ ມີຄວາມຫວັງໃຫ້ການພົວພັນ ລະຫວ່າງ 2 ປະເທດເຂົ້າສູ່ລວງເລິກ, ມີປະສິດທິຜົນ ແລະ ສະຖຽນລະພາບ.
ສ່ວນທ່ານນາຍົກລັດຖະມົນຕີຄູເວດ Sheikh Jaber Mubarak Al-Hamad Al-Sabad ໄດ້ຕີລາຄາສູງການຮ່ວມມືດ້ານນ້ຳມັນອາຍແກັສລະຫວ່າງ 2 ປະເທດ ແລະ ຫວັງວ່າ 2 ຝ່າຍພະຍາຍາມນຳໂຄງການປະສົມກັ່ນນ້ຳມັນງີເຊີນເຂົ້າເຄື່ອນໄຫວຕາມແຜນການວາງໄວ້.
2 ຝ່າຍຍັງແລກປ່ຽນຄຳເຫັນກ່ຽວກັບບັນຫາພາກພື້ນຕາເວັນອອກກາງ ແລະ ທະເລຕາເວັນອອກ ກໍຄືບັນຫາສາກົນອື່ນໆ. ເປັນເອກະສັນກັນແກ້ໄຂການຂັດແຍ້ງໂດຍສັນຕິວິທີ, ເຄົາລົບກົດໝາຍສາກົນ
ພາຍຫຼັງການເຈລະຈາ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ແລະ ທ່ານນາຍົກລັດຖະມົນຕີຄູເວດ Sheikh Jaber Mubarak Al-Hamad Al-Sabad ໄດ້ເປັນສັກຂີພິຍານພິທີລົງນາມໃນຂໍ້ຕົກລົງບາງສະບັບ